გია ვოლსკი სააკაშვილის სოლიდარობის აქციებზე - არ შეიძლება სიკეთის დაცვის ლოზუნგით გამოვიდნენ ადამიანები, ვინც ბოროტებას ემსახურებოდნენ

არ შეიძლება სიკეთის დაცვის ლოზუნგით გამოვიდნენ ადამიანები, ვინც ბოროტებას ემსახურებოდნენ, - ასე ეხმიანება პარლამენტის პირველი ვიცე-სპიკერი გია ვოლსკი ჟურნალისტებთან „ნაციონალური მოძრაობის“ მიერ გუშინ გამართულ აქციებს.

მისივე თქმით, ეს იყო ავტორიტეტდაკარგული, დანაწევრებული ჯგუფების სახე, რომელსაც აქციას ვერ უწოდებ.

„მე აქციები არ მინახავს, ეს იყო უსუსური მცდელობა, რომ გარკვეული აგრესიით გამოიწვიონ პროცესების განვითარება, რომელიც ლოგიკურ დასასრულამდე მივიდა. არ შეიძლება ბოროტმა ადამიანებმა სიკეთესთან დაკავშირებით ბრძოლა გამოაცხადონ, თითქოს სიკეთეს ემსახურებიან. ასეთი რამ არ ხდება. არ შეიძლება ადამიანები, ვინც ბოროტება ჩაიდინეს, გამოვიდნენ და აქციებს ატარებდნენ ამ ბოროტების არათუ გასამართლებლად, არამედ დასაბრუნებლად მმართველობის სისტემაში.

ეს არ არის მხოლოდ პიროვნებათა დაპირისპირება, ეს არის ავტორიტეტდაკარგული, შინაარსისგან დაცლილი, დანაწევრებული ჯგუფების სახე, აქციასაც ვერ დაარქმევ. რამდენიმე ათეული კაცი შეიკრიბა, მათდამი პატივისცემას გამოვხატავ და ვიტყვი, რომ არ შეიძლება გვერდზე დაუდგე ადამიანებს, ვინც ბოროტებას სჩადიოდა, სისასტიკეს, ვინც აწამა და სიცოცხლე წაართვა არაერთ ადამიანს. ამ ჯგუფს გამოეცალა ყველანაირი, მათ შორის, ინტელექტუალური რესურსი, ერთმანეთში დაპირისპირებულები არიან, ერთად იქნებიან თუ ცალ-ცალკე აქციას ვერ ჩაატარებენ, რადგან არ შეიძლება სიკეთის დაცვის ლოზუნგით გამოვიდნენ ადამიანები, ვინც ბოროტებას ემსახურებოდნენ,“ - განაცხადა ვოლსკიმ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024