იაგო ხვიჩია - „შემიწყალე, შე პუტინის მონა“, არაფერში წერია - პუტინის მონა თუ ვარ, როგორ შეგიწყალებ?

„შემიწყალე, შე პუტინის მონა“ არაფერში წერია. პუტინის მონა თუ ვარ, როგორ შეგიწყალებ?! - ასე ეხმიანება „გირჩის“ დეპუტატი იაგო ხვიჩია მოწოდებებს პრეზიდენტის მიმართ, რომ მიხეილ სააკაშვილი შეიწყალოს.

ხვიჩია გამოეხმაურა საქართველოს ყოფილი პრეზიდენტის, გიორგი მარგველაშვილის მოწოდებას ამ საკითხზე და აღნიშნა, რომ თავად შეეძლო თავის დროზე ამ მიმართულებით ნაბიჯების გადადგმა, თუ მას ეს სურდა.

„ქვეყანაში 10 წელია გაჩაღებულია ქოც-ნაცური ბრძოლა და ამ ბრძოლის ფარგლებში, ერთმა მხარემ მეორე დაატყვევა, უზის ციხეში და დანებებას ან დამარცხების აღიარებას ითხოვს. ომს არ ვამთავრებთ და იმას, ვინც უნდა გამოუშვას, ვეძახით პუტინის მონას და ა.შ. „შემიწყალე, შე პუტინის მონა“, ეს არაფერში წერია, რადგან პუტინის მონა თუ ვარ, როგორ შეგიწყალებ?“ - განაცხადა ხვიჩიამ.

ხვიჩია ასევე, გამოეხმაურა მიხეილ სააკაშვილის შესახებ ამერიკელი დიპლომატის, მაიკლ მაკფოლის სტატიას, სადაც მაკფოლი აღნიშნავს, რომ აშშ-ის პრეზიდენტმა ბაიდენმა, ევროპის სხვა დემოკრატიულ ლიდერებთან მჭიდრო კოორდინაციით, საქართველოს ხელისუფლებას სასწრაფოდ უნდა მიმართოს სააკაშვილის გადარჩენის მიზნით.

„თუ სააკაშვილს აქვს იმის რესურსი, რომ ჯო ბაიდენმა დაურეკოს საქართველოს ნებისმიერ ვინმეს, ჩემი აზრით, ბოროტმოქმედება იქნება, ეს გააკეთებინო იმისთვის, რომ ციხიდან გამოგიშვან. ამხელა რესურსი თუ გაქვს, სხვა რამე უნდა სთხოვო ჯო ბაიდენს. თუ ამას გააკეთებ, ხალხი თვითონ გამოგიშვებს ციხიდან. მე ამას გავაკეთებდი, პირველ რიგში, ქვეყნის უსაფრთხოებასთან დაკავშირებით,“ - განაცხადა ხვიჩიამ.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი