ჩინეთი ქვეყანაში შესული მგზავრებისთვის კორონავირუსის გამო დაწესებულ შეზღუდვებს ხსნის

ჩინეთი 8 იანვრიდან, სამი წლის წინ, კორონავირუსის პანდემიის გამო დაწესებულ სასაზღვრო კონტროლს აუქმებს და ქვეყანაში შემსვლელ მგზავრებს კარანტინის გავლას აღარ მოსთხოვს, - ინფორმაციას Reuters-ი ავრცელებს.

უპრეცედენტო საპროტესტო აქციების დაწყების შემდეგ ე.წ. „ნულოვანი კოვიდის“ რეჟიმის გაუქმებით გამოწვეულმა მკვეთრმა ცვლილებებმა ქვეყანაში ინფიცირების შემთხვევების ზრდა გამოიწვია. Reuters-ი წერს, რომ გავრცელების ახალი ტალღა საავადმყოფოების გადატვირთვას, აფთიაქების თაროების მედიკამენტებისგან დაცარიელებასა და საერთაშორისო განგაშს იწვევს.

გუშინ, საბერძნეთი, გერმანია და შვედეთი ათზე მეტ იმ ქვეყანას შეუერთდნენ, რომელიც ჩინეთიდან ჩასული მგზავრებისთვის კოვიდტესტის ჩატარებას ითხოვს. ჯანდაცვის მსოფლიო ორგანიზაციამ განაცხადა, რომ ჩინეთის მიერ გავრცელებული ოფიციალური მონაცემები ვირუსის გავრცელების ნამდვილ მასშტაბს არ ასახავს.

ჩინეთის ჯანდაცვის უწყების ცნობით, გასული დღის განმავლობაში კორონავირუსს ხუთი ადამიანის სიცოცხლე ემსხვერპლა და პანდემიის დაწყების დროიდან ვირუსით დაღუპულთა საერთო რაოდენობა 5 264-მდე გაიზარდა, რაც ერთ-ერთი ყველაზე დაბალი მაჩვენებელია მსოფლიოში.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს