მიხეილ დაუშვილი - „ოცნებამ“ სააკაშვილის ჯანმრთელობის მდგომარეობაზე კითხვები არათუ ვერ მოხსნა, არამედ სულ უფრო მეტს აჩენს, ამიტომაცაა, რომ პარტნიორები სხვის სიტყვებს უფრო ენდობიან, ვიდრე ჩვენი ხელისუფლების

„ოცნებამ“ კითხვები და ბრალდებები სააკაშვილის ჯანმრთელობის მდგომარეობაზე არათუ ვერ მოხსნა, არამედ სულ უფრო მეტს აჩენს - პარტნიორებისთვის „ოცნების“ სიტყვებს ფასი არ გააჩნია, - ამის შესახებ ჟურნალისტებთან პარტია „საქართველოსთვის“ წევრმა დეპუტატმა, მიხეილ დაუშვილმა განაცხადა.

მისი თქმით, „ქართული ოცნება“ ქვეყნის რეპუტაციას აზიანებს.

„ოცნებამ“ თავისი არასწორი მოქმედებებით მოახერხა, რომ კითხვები და ბრალდებები სააკაშვილის ჯანმრთელობის მდგომარეობასთან დაკავშირებით არათუ ვერ მოხსნა, არამედ სულ უფრო მეტს აჩენს. სასჯელი ყველამ უნდა მოიხადოს, მაგრამ ისე, რომ მის სიცოცხლეს და ჯანმრთელობას საფრთხე არ შეექმნას და ეს ხელისუფლების პასუხისმგებლობაა. ამას როგორ მოახერხებენ, ეს მათი ვალდებულებაა. ხელისუფლებაში ყოფნა პასუხისმგებლობაა, ამიტომ მათი ვალდებულებაა ქვეყნის საერთაშორისო რეპუტაციას ზიანი არ მიაყენონ, კითხვები არ გააჩინონ. „ოცნებამ“ იმდენი მოახერხა, რომ პარტნიორებისთვის მათ სიტყვებს ფასი არ გააჩნია, ამიტომაც არის რომ უფრო მეტ ბრალდებას და კითხვას ვისმენთ პარტნიორებისგან. „ოცნებამ“ რაც არ უნდა ამტკიცოს, რომ ეს ლობისტების მუშაობის შედეგია, მთავარი პრობლემაა ის, რომ პარტნიორები სხვის სიტყვებს უფრო ენდობიან, ვიდრე ჩვენი ხელისუფლების,“ - განაცხადა დაუშვილმა.

დაუშვილი გამოეხმაურა მიხეილ სააკაშვილისთვის პატრიარქის მიერ გაგზავნილ წერილსაც და აღნიშნა, რომ „როცა საპატრიარქოსგან რაიმეს ვისმენთ, ან ვკითხულობთ, მთავარი მოლოდინი რაც გვაქვს, ეს არის ჰუმანურობა“. კითხვაზე, იკითხებოდა თუ არა ჰუმანურობა წერილში, დაუშვილი პასუხობს, რომ მის შინაარსში და განმარტებებში შესვლა შეგნებულად არ სურს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024