გიული ალასანია - უკრაინა იმარჯვებს, პუტინი მარცხდება და სააკაშვილი ციხეში ყოფნას შეეგუოს? - პატრიარქის წერილის ასე გაგება წარმოუდგენელია, მსგავსი აზრი რუსეთის აგენტების გარდა თავში არავის მოუვა

საქართველოს მესამე პრეზიდენტის, მიხეილ სააკაშვილის დედის, გიული ალასანიას განცხადებით, გუშინ, გულის წასვლის ეპიზოდმა მიხეილ სააკაშვილის მდგომარეობა კიდევ უფრო დაასუსტა.

როგორც გიული ალასანიამ კლინიკა „ვივამედთან“ აღნიშნა, 9 იანვარს ჩანიშნულ სასამართლო პროცესზე მიხეილ სააკაშვილი, ჯანმრთელობის მდგომარეობის გამო, რა თქმა უნდა, ვერ წავა.

„დღეს ცოტა ვილაპარაკეთ კიდეც, მაგრამ ძალიან ცოტა ხნით ვიყავი შესული. 9 იანვარს ისევ სასამართლო პროცესია ჩანიშნული, რომელზეც, რა თქმა უნდა, ვერ წავა იმიტომ, რომ ძალიან დასუსტებულია. გუშინდელმა გულის წასვლამ კიდევ უფრო დაასუსტა. ამ ამბის მერე რაღაც კვლევები ჩაუტარდა, მაგრამ შედეგები ჯერ არ ვიცით“, - განაცხადა გიული ალასანიამ.

ასევე, მისივე თქმით, ყოფილი პირველი ლედი სანდრა რულოვსი შვილთან, ნიკოლოზ სააკაშვილთან ერთად პატრიარქთან იმყოფებოდა, სტუმრობით კი კმაყოფილია.

„შეხვედრა რამდენიმე დღის წინ შედგა. იქიდან ძალიან კმაყოფილი და მადლიერი წამოვიდნენ. არ ვიცი, პატრიარქმა რა უთხრა, მაგრამ მისთვის ახლა ძალიან დატვირთული დღეებია. პატრიარქის მდგომარეობა ახლა არ იძლევა იმის საშუალებას, რომ დიდი და ხანგრძლივი მიღება ჰქონდეს, მაგრამ მიუხედავად ამისა, დათანხმდა, მიიღო და ამით მადლიერი არიან“, - აღნიშნა გიული ალასანიამ.

ამასთანავე, გიული ალასანიას განცხადებით, პატრიარქის წერილი, რომელშიც უწმინდესი სააკაშვილს „ჭეშმარიტი სხვა რეალობის შეცნობას“ უსურვებს, არ შეიძლება აღვიქვათ ისე, თითქოს პატრიარქი მას ციხეში ყოფნასთან შეგუებას ურჩევს. მისივე თქმით, წერილთან დაკავშირებით მსგავსი აზრი რუსეთის აგენტების გარდა თავში არავის მოუვა.

„პატრიარქის წერილზე არ გვისაუბრია, მაგრამ რას უნდა შეეგუოს, ციხეში ყოფნას? როგორ წარმოგიდგენიათ, უკრაინა იმარჯვებს, პუტინი მარცხდება და სააკაშვილი ციხეში ყოფნას შეეგუოს? მსგავსი აზრი რუსეთის აგენტების გარდა თავში არავის მოუვა. არა, რა თქმა უნდა, პატრიარქის წერილის ასე გაგება წარმოუდგენელია", - განაცხადა გიული ალასანიამ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
ბორის სოკოლოვი - რუსეთისთვის ჩინურ იუანზე ორიენტაცია სახიფათოა, რადგან, ჩინურ ხელისუფლებას საკუთარი შეხედულებისამებრ შეუძლია იუანის კურსის დადგენა, სამწუხაროდ, ომი უკრაინაში 2024 წელს არ დასრულდება
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი