იაგო ხვიჩია - პატრიარქის რჩევა კარგია, მარტო მიხეილ სააკაშვილმა კი არა, რეალობა ჩვენც უნდა მივიღოთ და ვიმოქმედოთ, რომ შემდეგ არჩევნებზე მაინც უკეთესი არჩევანი გვქონდეს - ამ „სანტა-ბარბარათი“ ქვეყანა ზიანდება

10 დღე ვიჯექი ციხეში. იქ რომ ზიხარ, ყველაზე კარგი ნუგეშია, როცა გეუბნებიან, რომ რეალობა მიიღო, - ამის შესახებ ჟურნალისტებთან „გირჩის“ დეპუტატმა იაგო ხვიჩიამ განაცხადა, რითაც პატრიარქის მიერ მიხეილ სააკაშვილისთვის გაგზავნილ წერილს გამოეხმაურა, სადაც პატრიარქი ყოფილ პრეზიდენტს უსურვებს, "სხვა, ჭეშმარიტი რეალობა“ მიიღოს.

ხვიჩია მიიჩნევს, რომ სააკაშვილს პატრიარქმა კარგი რჩევა მისცა.

„ქოცების“ დამსახურებით, 10 დღე ვიჯექი ციხეში. იქ რომ ზიხარ, ყველაზე კარგი ნუგეშია, როცა გეუბნებიან, რომ რეალობა მიიღო და შესაბამისად, ადეკვატურად იმოქმედო. ასე რომ, არ გამკვირვებია პატრიარქის ეს წერილი, კარგი რჩევაა, როცა ასეთ სიტუაციაში მოხვდები. სულ სხვა საკითხია, იქიდან როგორ გამოხვალ, მაგრამ რეალობა ზოგადად ყოველთვის უნდა აღვიქვათ. რაც ჩვენს თავს არის, ის რეალობა რომ მივიღოთ და რომ არ გავგიჟდეთ, ეს არის სწორი და ადამიანური რჩევა ყოველთვის. თუნდაც იმ თვალსაზრისით რომ გაიგო, რაზეც მიხეილ სააკაშვილი საუბრობს, კარგი რჩევაა,“ - განაცხადა ხვიჩიამ.

როგორც ხვიჩია ამბობს, „ნაციონალური მოძრაობის“ და „ქართული ოცნების“ პოლიტიკა სანტა-ბარბარას ჰგავს.

„სანამ ეს თამაში გრძელდება, მიხეილ სააკაშვილს არ გაუშვებენ. უნდა დაველოდოთ იმას, რომ ამას დაცვის მხარე მიხვდება. რასაკვირველია, ქვეყანა „ნაცმოძრაობის“ და „ქართული ოცნების“ მიერ გამართული ამ „სანტა-ბარბარათი“ ზიანდება, მაგრამ ეს გუშინ არ დაწყებულა, 10 წელია გრძელდება. რეალობა ისეთია, როგორიც არის და მარტო მიხეილ სააკაშვილმა კი არა, ჩვენც უნდა მივიღოთ რეალობა და ამის მიხედვით ვიმოქმედოთ ისე, რომ შემდეგ არჩევნებზე მაინც უკეთესი არჩევანი გვქონდეს. ამისთვის ამ სიტუაციიდან უნდა გამოვიდეთ,“ - განაცხადა ხვიჩიამ.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე