ირაკლი ქადაგიშვილი - „ნაციონალური მოძრაობის“ ორგანიზებული აქციები ხშირ შემთხვევაში შიდა პარტიული დაპირისპირებისა და კონკურენციის ხასიათს ატარებს - ამით არც ჩვენ და არც საზოგადოება განსაკუთრებულ ცვლილებებს არ ველოდებით

„ნაციონალური მოძრაობის“ მიერ ორგანიზებული აქციები ხშირ შემთხვევაში შიდა პარტიული დაპირისპირებისა და კონკურენციის ხასიათს ატარებს - თუ ვის უფრო მეტი რადიკალიზმით შეეძლება შიდა არჩევნებისთვის მომხრეების მიმხრობა , - ამის შესახებ ჟურნალისტებთან "ქართული ოცნების" დეპუტატმა ირაკლი ქადაგიშვილმა განაცხადა.

ქადაგიშვილის თქმით, მათ წარმოუდგენიათ, რომ აქციებით რეჟიმს ასუსტებენ.

"სინამდვილეში, დემოკრატიულ ქვეყნებში აქციების თავისუფლება, გამოხატვის თავისუფლება, მედიის თავისუფლება რეჟიმს არ ასუსტებს - ის დემოკრატიულ რეჟიმს აძლიერებს.

რამდენი აქციაც უნდათ, იმდენი ჩაატარონ - ეს მათი უფლებაა, რა თქმა უნდა, კანონიერების ფარგლებში. ამ აქციებით არც ჩვენ და არც საზოგადოება განსაკუთრებულ ცვლილებებს არ ველოდებით", - განაცხადა ირაკლი ქადაგიშვილმა.

უმრავლესობის დეპუტატის შეფასებით, "ნაციონალურ მოძრაობას" კრიზისიდან გამოსვლის შანსი ჰქონდა, თუმცა პარტიამ ეს შანსი დიდი ხნის წინ გაუშვა.

"ეს შანსი ჰქონდათ, მათ შორის იმ ე.წ. კოჰაბიტაციის პოლიტიკით, რომელიც "ქართულმა ოცნებამ" დასავლელ პარტნიორებთან ერთად გაატარა. მათ ეს შანსი მიცემული ჰქონდათ, მაგრამ ყოველ ჯერზე ვერ გამოიყენეს - ვერ გამოიყენეს საკუთარი ზნე-ჩვეულებიდან გამომდინარე, პოლიტიკური მემკვიდრეობიდან ანალიზი ვერ გააკეთეს, თავი ვერ გაითავისუფლეს და საკუთარი პოლიტიკისა და იმ ლიდერის მძევლად დარჩნენ, რომელმა ლიდერმაც ასეთ მდგომარეობამდე მიიყვანა საკუთარი თავიც და "ნაციონალური მოძრაობაც", - დასძინა ირაკლი ქადაგიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024