უკრაინის საგარეო საქმეთა მინისტრმა, დმიტრო კულებამ და ევროკავშირის უმაღლესმა წარმომადგენელმა საგარეო საქმეთა და უსაფრთხოების საკითხებში ჯოზეფ ბორელმა უკრაინა-ევროკავშირის სამიტის მომზადების საკითხზე ისაუბრეს.

დმიტრო კულება „ტვიტერზე“ წერს, რომ სატელეფონო საუბრის დროს მათ დეტალურად განიხილეს 3 თებერვალს დაგეგმილი უკრაინა-ევროკავშირის სამიტის მომზადების პროცესი.

"გამოვთქვით ჩვენი მოლოდინები და ყურადღება გავამახვილეთ ფორმატზე, რომელიც უზრუნველყოფს მის წარმატებას. ასევე განვიხილეთ სამხედრო დახმარება, სანქციები და ირან-რუსული თანამშრომლობა", - აცხადებს კულება.

შეგახსენებთ, უკრაინა-ევროკავშირის სამიტი 3 თებერვალს კიევში გაიმართება.