პარლამენტის თავმჯდომარემ და დეპუტატებმა „ალილოს“ მონაწილეებს საშობაო ნობათი გადასცეს

პარლამენტის თავმჯდომარემ, შალვა პაპუაშვილმა და დეპუტატებმა „ალილოს“ მონაწილეებს საშობაო ნობათი გადასცეს.

მსვლელობაში მონაწილე ბავშვებს სასაჩუქრე კალათები გადასცეს პარლამენტის თავმჯდომარე შალვა პაპუაშვილმა, მმართველი პარტიის დეპუტატმა გრეტა წიწავამ, „ხალხის ძალის” წევრმა, დიმიტრი ხუნდაძემ, ასევე დეპუტატებმა ოპოზიციიდან - პოლიტიკური ჯგუფი "ევროპელი სოციალისტების" თავმჯდომარე ფრიდონ ინჯიამ და „გირჩის“ ერთ-ერთმა ლიდერმა იაგო ხვიჩიამ.

„სრულიად საქართველოს, ჩვენს თანამემამულეებს განსაკუთრებით ქვეყნის გარეთ, ვულოცავ შობას, ვუსურვებ დღეგრძელობას, ვუსურვებ სიკეთეს, სიმშვიდეს, ოჯახში და ოჯახს გარეთ. ვისურვებდი, რომ ამ განსაკუთრებულ დღეს ყველა დაფიქრდეს იმაზე, რომ მთავარია ადამიანებმა სიკეთე დავთესოთ ამ ქვეყანაში; მთავარია, რომ ერთმანეთთან მიმართებაში, ადამიანი ადამიანთან იყოს მხოლოდ სიკეთით აღსავსე და ამ შემთხვევაში ჩვენშიც უფალი თავის სიტყვას გააღვიძებს და ეს იქნება საბოლოო ჯამში ჩვენს გულში უფლის დაბადება", - აღნიშნა შალვა პაპუაშვილმა ჟურნალისტებთან საუბრისას.

ქრისტეს შობის დღესასწაულთან დაკავშირებით თბილისში „ალილოს” მსვლელობა მიმდინარეობს.

მომლოცველთა და მგალობელთა გუნდმა მსვლელობა რესპუბლიკის მოედნიდან დაიწყო.

საზეიმო მსვლელობას რუსთაველის გამზირისა და ბარათაშვილის აღმართის გავლით წმიდა სამების საკათედრო ტაძარში დასრულდება. 16:00 საათზე სამების საკათედრო ტაძარში შესრულდება შობის პარაკლისი.

ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
Webster University Georgia-ს რექტორი ჟან პოლ ვან მარისინგი - უნივერსიტეტს აქვს პოტენციალი, რეგიონის საგანმანათლებლო ჰაბი გახდეს
ქართული პრესის მიმოხილვა 24.06.2024
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად