ირანში საპროტესტო აქციებთან დაკავშირებით კიდევ 2 ადამიანი ჩამოახრჩვეს - ევროკავშირი მოუწოდებს ირანს, დაუყოვნებლივ შეწყვიტოს მომიტინგეებისთვის სასიკვდილო განაჩენის აღსრულების "მკაცრად დასაგმობი პრაქტიკა"

ირანში მიმდინარე საპროტესტო აქციებთან დაკავშირებით, ხელისუფლებამ ორი ახალგაზრდა მამაკაცი სიკვდილით დასაჯა, რომელთაგან ერთი კარატეს ჩემპიონი, მეორე კი ბავშვთა მწვრთნელი იყო. ამის შესახებ ინფორმაციას დასავლური მედია ავრცელებს.

როგორც CNN-ი ირანული მედიასაშუალების Fars News-ზე დაყრდნობით წერს, 21 წლის მოჰამად მეჰდი კარამი და 20 წლის სეიედ მოჰამად ჰოსეინი შაბათს დილით ჩამოახრჩვეს.

დასავლური მედია აღნიშნავს, რომ ორივე მათგანმა გასულ წელს, სავარაუდოდ, ანტისამთავრობო აქციებში მიიღეს მონაწილეობა. ამასთან, CNN-ი ირანული საინფორმაციო სააგენტო Mizan-ზე დაყრდნობით წერს, რომ 3 ნოემბერს მოჰამად მეჰდი კარამი და სეიედ მოჰამად ჰოსეინი ქარაჯში, ირანის ყოფილი უზენაესი ლიდერის, რუჰოლა ხომეინის ბრძანებით შექმნილი „ბასიჯის“ სამხედრო დაჯგუფების წევრის, სეიედ რუჰოლა აჯამიანის მკვლელობისთვის გაასამართლეს.

გაერო-ს ადამიანის უფლებათა უმაღლესი კომისრის ოფისმა (OHCHR) ორი დემონსტრანტის სიკვდილით დასჯა დაგმო. OHCHR-მა "შოკისმომგვრელი" უწოდა იმ ფაქტს, რომ ირანი მომიტინგეების სიკვდილით დასჯას "საერთაშორისო აღშფოთების მიუხედავად" აგრძელებს. ამასთან, გაერო-ს ოფისმა ოფიციალურ თეირანს მოუწოდა შეწყვიტოს სიკვდილით დასჯა.

„ჩვენ ვგმობთ იძულებით აღიარებაზე დაფუძნებული უსამართლო სასამართლო პროცესების შემდეგ კიდევ ორი დემონსტრანტის, მოჰამად მეჰდი კარამისა და მოჰამად ჰოსეინის სიკვდილით დასჯას“, - აღნიშნა OHCHR-მა.

ორი ახალგაზრდა მამაკაცის სიკვდილით დასჯას გამოეხმაურა ევროკავშირიც, რომელმაც მომხდარს „შემაძრწუნებელი“ უწოდა.

„ევროკავშირი კიდევ ერთხელ მოუწოდებს ირანის ხელისუფლებას დაუყოვნებლივ შეწყვიტოს მომიტინგეების წინააღმდეგ სასიკვდილო განაჩენის გამოტანისა და აღსრულების მკაცრად დასაგმობი პრაქტიკა“, - ნათქვამია ევროგაერთიანების განცხადებაში.

ირანის ხელისუფლებას გაერო-ს ადამიანის უფლებათა უმაღლესი კომისრის ოფისის მსგავსად, ევროკავშირმაც მოუწოდა დაუყოვნებლივ შეწყვიტოს სიკვდილით დასჯა.

პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
დავით გოჩავა - ახლა ჩინეთმა თუნდაც „ჰონგ-კონგის პორტი“ ჩადგას ანაკლიაში, აზრი არ აქვს არაფერს - ევროპა „ანაკლიის პორტთან“, სავარაუდოდ, არ ითანამშრომლებს
ქართული პრესის მიმოხილვა 13.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი