სენეგალში, ავტოსაგზაო შემთხვევის შედეგად, სულ მცირე 40 ადამიანი დაიღუპა
სენეგალში ავტოსაგზაო შემთხვევის შედეგად, სულ მცირე 40 ადამიანი დაიღუპა და ათობით დაშავდა. ამის შესახებ ქვეყნის პრეზიდენტმა მაკი სალმა განაცხადა.
მისივე თქმით, უბედური შემთხვევა სოფელ გნივში მოხდა.
როგორც პროკურორმა განაცხადა, ორი ავტობუსის შეჯახების შედეგად, სულ მცირე 78 ადამიანი დაშავდა, მათგან ზოგიერთი მძიმე მდგომარეობაშია.
სენეგალის პრეზიდენტმა ორშაბათიდან სამდღიანი გლოვა გამოაცხადა. მანვე განაცხადა, რომ საგზაო უსაფრთხოების ზომების განსახილველად მინისტრთაშორის საბჭოს გამართავს.
