„წისქვილი ჯგუფმა“ განსაკუთრებული საჭიროების მქონე ბავშვისთვის სასწავლო მასალების შეძენა დააფინანსა

წისქვილი ჯგუფი“ განსაკუთრებული საჭიროებების მქონე ბავშვებზე ზრუნვის ორგანიზაციის, „პირველი ნაბიჯის“ მხარდამჭერი გახდა. „წისქვილი ჯგუფის“ ცნობით, ის აღსაზრდელების უნარების განვითარებისთვის საჭირო მასალების შეძენას დააფინანსებს და სხვა საჭიროებების დაკმაყოფილებას უზრუნველყოფს.

„ბოლო დროს უკიდურესად გაზრდილმა ფასებმა რთულ მდგომარეობაში ჩააყენა ჩვენი ორგანიზაცია. ძალიან გაგვიჭირდა პროგრამებისთვის საჭირო სამუშაო მასალების, სათამაშოების, საწვავისა თუ სხვა აუცილებელი პროდუქტების შეძენა. ამ გამოწვევების დაძლევა ცალკეული ადამიანებისა თუ კომპანიების მხარდაჭერის გარეშე თითქმის შეუძლებელია. ამიტომ, „წისქვილი ჯგუფის“ ინიციატივას ჩვენი ორგანიზაციისთვის უდიდესი მნიშვნელობა აქვს“, – ამბობს „პირველი ნაბიჯის“ წარმომადგენელი.

„პირველი ნაბიჯი“ 20 წელზე მეტია განსაკუთრებული საჭიროებების მქონე ბავშვებზე ზრუნავს. დღეს ორგანიზაცია ისანში, რუსთავსა და დიღომში სამი ფილიალითაა წარმოდგენილი და 10-ზე მეტ პროგრამას ახორციელებს. მათ შორისაა აუტიზმის პროგრამა, ადრეული ინტერვენცია, დღის ცენტრი და ბინაზე მოვლა. „პირველი ნაბიჯის“ ერთ-ერთი მისიაა, განსაკუთრებული საჭიროებების მქონე ბავშვებს თავიანთი რესურსების ათვისებაში, ახალი უნარების შეძენასა და სოციალურ ინტეგრაციაში დაეხმაროს.

„ძალიან გვიხარია, რომ „წისქვილი ჯგუფი“ თავის წვლილს შეიტანს ამ უმნიშვნელოვანეს საქმეში და 900-ზე მეტ ბავშვს მათი განვითარებისთვის კრიტიკულად აუცილებელი ცოდნისა და უნარების შეძენაში დაეხმარება.

ერთად ბევრად მეტი შეგვიძლია! გავერთიანდეთ და მხარი დავუჭიროთ მათ, ვისაც ეს ყველაზე მეტად სჭირდება“, – ამბობს „წისქვილი ჯგუფის“ მარკეტინგის ხელმძღვანელი, ანანო თავხელიძე.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024