გივი მიქანაძე - ბროუდერის განცხადება ლობისტური კამპანიის კომპონენტია - საინტერესოა, რა ფინანსური საშუალებებით ქირაობს სააკაშვილის ოჯახი ლობისტურ კომპანიებს, დიდ თანხებზე უნდა იყოს საუბარი

ბროუდერის განცხადება ლობისტური კამპანიის კომპონენტია - საინტერესოა, რა ფინანსური საშუალებებით ქირაობს სააკაშვილის ოჯახი ლობისტურ კომპანიებს, რამდენიმე ათასი დოლარის ანაზღაურებით ეს ვერ შემოიფარგლება, დიდ თანხებზე უნდა იყოს საუბარი, - ამის შესახებ საპარლამენტო უმრავლესობის წევრმა გივი მიქანაძემ "მაგნიტსკის სიის" ავტორის განცხადების კომენტირებისას, ჟურნალისტებთან განაცხადა.

მისი თქმით, ლობისტური კამპანია აბსურდზე და სიცრუეზეა აგებული. მიქანაძე მიუთითებს, რომ ეს კამპანია ფართოვდება და ცდილობენ ქვეყანას რეპუტაცია შეულახონ.

„უკვე რამდენიმე თვეა მომსწრენი ვართ, რომ სააკაშვილის ოჯახი და მასთან დაკავშირებული მცირე გუნდი ცდილობს, არამხოლოდ ადგილობრივ, არამედ საერთაშორისო მასშტაბით ააგოროს ხელოვნური, უსაფუძვლო კამპანია, რომელიც არანაირ ფაქტს არ ეფუძნება, რომ თითქოსდა სააკაშვილთან მიმართებით უკანონობა ხდება, რაც სიცრუეა. ვიცით, რომ ოჯახმა დაიქირავა ამერიკული ლობისტური კომპანია და ყოველდღიურად მსოფლიოს სხვადასხვა ქვეყნის პრესაში ქვეყნდება განცხადებები და სტატიები. ესეც (ბროუდერის განცხადება) არის ამ ლობისტური მიმართულების კომპონენტი, მით უმეტეს, ამ პიროვნებას არანაირი საფუძველი არ აქვს გააკეთოს ისეთი ხმამაღალი და ბრალდებით სავსე განცხადებები, რომ თითქოსდა მიხეილ სააკაშვილის წამება მიმდინარეობს. ყველამ იცის, რომ ერთადერთი ადამიანი არის თვითონ მიხეილ სააკაშვილი, ვინც საკუთარ ჯანმრთელობას აყენებს ზიანს, სამედიცინო პერსონალსაც ბოლომდე არ აძლევს უფლებას მის ჯანმრთელობაზე იზრუნოს. რაიმე სიებზე საუბარი არის სპეკულაციური, მით უმეტეს იმ ადამიანთან დაკავშირებით, ვინც თავის მმართველობის პერიოდში ჩამოაყალიბა მძიმე დანაშაულებრივი სისტემა,"- განაცხადა მიქანაძემ.

Heritage Foundation-ის აღმასრულებელი დირექტორი, "მაგნიტსკის სიის" ავტორი უილიამ ბრაუდერი საქართველოს ყოფილ პრეზიდენტს, რომელმაც მას „მაგნიტსკის" ახალი სიის წინასწარ შედგენაში ქართული ჯგუფებისთვის დახმარების გაწევა სთხოვა, პასუხობს, რომ მისმა გუნდმა მოამზადოს დოკუმენტები, რომელშიც ეწერება, ვინ აფერხებს სამედიცინო მკურნალობას, ვინ არის პასუხისმგებელი მოწამვლაზე და ვინ არის პასუხისმგებელი წამებაზე.

"მე ყველაფერს გავაკეთებ იმისათვის, რომ დასავლეთის მთავრობებმა "მაგნიტსკის სანქციებისთვის" ამას ყურადღება მიაქციონ”, - წერს ბროუდერი მიხეილ სააკაშვილს.

ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
ქართული პრესის მიმოხილვა 30.01.2023
გია ხუხაშვილი - „ოცნებამ“ „ნაცმოძრაობის“ თავმჯდომარედ მისთვის ყველაზე კომფორტული პიროვნება მიიღო, ამიტომ იყო, რომ მმართველი გუნდი ხაბეიშვილს გულშემატკივრობდა
კახა ოქრიაშვილი - ჩვენი ეკონომიკა გაიზარდა მხოლოდ შარშან, უკრაინის გაუბედურების ხარჯზე, რადგან საქართველოში ხალხი და ფული რუსეთიდან შემოდის
„ლიბერთი“ მასშტაბური პროექტის „ახალგაზრდული მეწარმეობა სოფლის განვითარებისთვის“ სტრატეგიულ პარტნიორობას აგრძელებს
BTU-მ ხელოვნური ინტელექტის ეროვნული სტრატეგიის შექმნისთვის საჭირო კვლევა დაიწყო
სიახლე - „ლიბერთის“ ბანკომატებში Apple Pay-ს და Google Pay-ს გამოყენებით უკვე შესაძლებელია ნებისმიერი ოპერაციის შესრულება
კახა ოქრიაშვილი - ვულოცავ „ნაციონალურ მოძრაობას“ შიდა დემოკრატიის განვითარების ახალ ეტაპზე გადასვლას, რის შედეგადაც ეს პარტია უკეთესი და უკეთესი ლიდერებით შეივსება“
TNET-ი და USAID-ი ითანამშრომლებენ ელექტრონული კომერციის განვითარებისთვის საქართველოში
CashBack და Mastercard-ის აქცია ქართული ბრენდებისთვის - 60%-მდე ქეშბექი ონლაინ შოპინგისას
EIB Global-სა და კრედო ბანკს შორის მიკრო, მცირე და საშუალო ზომის საწარმოების მხარდასაჭერად 28.8 მილიონი ლარის მოცულობის სასესხო ხელშეკრულება გაფორმდა