ამერიკელი ნევროლოგი - სააკაშვილის დაავადებები სიკვდილის საშიშროებას ქმნის და განსაკუთრებით ხაზი მინდა გავუსვა კრუნჩხვებს - სახეზეა სწრაფად დამძიმებადი დემენცია, რაც ისეთი აქტივობების დარღვევას გულისხმობს, როგორიცაა საკუთარი თავის მოვლა, შხაპის მიღება

მიხეილ სააკაშვილს აქვს ქრონიკული დაავადებები, რომლებიც ქმნის სიკვდილის საშიშროებას, განსაკუთრებით, მინდა ხაზი გავუსვა კრუნჩხვებს და კრუნჩხვით შეტევებს, რომლებსაც შეუძლია, მიგვიყვანოს უცაბედ სიკვდილამდე თუ არ არის ის სწორად ნამკურნალები,- ამის შესახებ ამერიკელმა ექსპერტმა და ნევროლოგმა შახინ ემანუელ ლაჰანიმ საქალაქო სასამართლოში, მოწმის სტატუსით გამოკითხვისას, მიხეილ სააკაშვილის ჯანმრთელობის მდგომარეობასთან დაკავშირებით განაცხადა.

ექსპერტმა აღნიშნა, რომ ის, როგორც ნევროპათოლოგი, მიიჩნევს, რომ სერიოზული დაავადებები, რომლებიც სააკაშვილს აღენიშნება, არის ხელისშემშლელი ფაქტორები სასჯელის მოხდისთვის.

„სააკაშვილის ჯანმრთელობის მდგომარეობის შესახებ შემიძლია ვთქვა, რომ ის სერიოზულად არის ავად. მას აწუხებს სხვადასხვა დისფუნქცია, მათ შორის, ეს თავის ტვინის, ზურგის ტვინის, საჭმლის მომნელებელი სისტემის. ყველაზე მძიმე დიაგნოზია დაუზუსტებელი დემენცია, კრუნჩხვები, ასევე პერიფერიული ნერვული სისტემის დაზიანება, რომელიც ართულებს მისთვის სიარულის ფუნქციის განხორციელებას. ასევე, ხერხემლის სვეტის კისრის მიდამოში, მალთაშუა დისკების მხრიდან ზურგის ტვინზე ზეწოლა, ძალიან მნიშვნელოვანი ხარისხის პოსტ-ტრავმული სტრესული აშლილობა. მასთან დაკავშირებით ადგილი აქვს პოლიფარმაციას, ანუ მრავლობითი შეუსაბამო მედიკამენტების დანიშვნას, მას აღენიშნება ტრანზიტული გარდამავალი დაკარგვა გონების და კრუნჩხვები. მას აქვს ტემპერატურისა და წნევის სწრაფი ცვლილება და კუნთების მნიშვნელოვანი განლევა. ეს არის სია მისი ყველა სერიოზული დაავადების.

როგორც ნევროპათოლოგი, ვთვლი, რომ მისი სერიოზული დაავადებები არის ხელისშემშლელი ფაქტორები სასჯელის მოხდისთვის“,- განაცხადა ექსპერტმა.

ნევროლოგის თქმით, „სააკაშვილის დემენცია სწრაფად მძიმდება“. როგორც ექსპერტმა აღნიშნა, ეს იწვევს ადამიანის ყოველდღიური აქტივობების დარღვევას, როგორიც არის საკუთარი თავის მოვლა და შხაპის მიღება.

„ციხეში მოთავსებამდე, ნევროლოგიურად ის იყო ჯანმრთელი, მას ინტელექტუალური ფუნქციები ჰქონდა სათანადო დონეზე და შეეძლო თავისუფლად და სრულყოფილად ადამიანებთან ურთიერთობა. სახეზე იყო მისი შესაძლებლობების მკვეთრი დაქვეითება დაპატიმრების შემდეგ, რაც მე ვნახე როგორც დოკუმენტებით, ასევე გამოვავლინე ჩემ მიერ მისი გასინჯვის დროს.

მას აქვს ქრონიკული დაავადებები, რომლებიც ქმნის სიკვდილის საშიშროებას, განსაკუთრებით მინდა ხაზი გავუსვა კრუნჩხვებს და კრუნჩხვით შეტევებს, რომლებსაც შეუძლია მიგვიყვანოს უცაბედ სიკვდილამდე თუ არ არის ნამკურნალები სწორად.

ჩემი გამოცდილებიდან ბევრჯერ მინახავს, რომ კრუნჩხვითი შეტევები, თუ მათი მკურნალობა სწორად არ ხდება, შეიძლება განვითარდეს უცაბედ სიკვდილში და გამომდინარე ჩემი გასინჯვის შედეგებიდან, ეს საშიშროება არის, რამდენადაც მას სწორი მკურნალობა არ უტარდება.

რაც შეეხება დემენციას, შემიძლია გითხრათ, რომ მისი მდგომარეობა ძალიან სწრაფად მძიმდება. ეს არის სწრაფად დამძიმებადი დემენციის მიმდინარეობა. დემენცია იწვევს ადამიანის ყოველდღიური აქტივობების დარღვევას, როგორიც არის საკუთარი თავის მოვლა, შხაპის მიღება და ა.შ. რამდენადაც მე დავადგინე და ვნახე ბოლო 8 თვის განმავლობაში, დემენციასთან დაკავშირებით არის მდგომარეობის ძალიან მკვეთრი და სწრაფი დამძიმება და გამომდინარე იქიდან, რომ ის არ გადის სწორ მკურნალობას, მე ვერ ვხედავ შესაძლებლობას, რომ ის ამ პირობებში გამოჯანმრთელდეს“, - განაცხადა ექსპერტმა.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა