ამერიკელი ექსპერტი სააკაშვილზე - საგანგაშო მდგომარეობაა, როცა ტომოგრაფიით ვლინდება თავის ტვინის მოცულობის შემცირება - თუ ამ სიტუაციას აღმოაჩენ, საჭიროა კომპლექსური გამოკვლევა

ძალიან შემაშფოთებელი, საგანგაშო მდგომარეობაა, როდესაც კომპიუტერული ტომოგრაფიით ვლინდება თავის ტვინის მოცულობის შემცირება, როდესაც ის არის უფრო პატარა, ვიდრე უნდა იყოს ნორმაში. თუ ამ სიტუაციას აღმოაჩენ, საჭიროა ძალიან კომპლექსური გამოკვლევა, - ამის შესახებ ამერიკელმა ექსპერტმა და ნევროლოგმა შახინ ემანუელ ლაჰანიმ საქალაქო სასამართლოში ვიდეოჩართვისას, მიხეილ სააკაშვილის ჯანმრთელობის მდგომარეობასთან დაკავშირებით, მოწმის სტატუსით გამოკითხვისას განაცხადა.

როგორც ექსპერტი აღნიშნავს, თავის ტვინის მოცულების შემცირება ასოცირებულია იმ დაავადებებთან, რომელიც მას გააჩნია, მათ შორის, დემენციასა და ეპილეფსიაზე.

აღნიშნულით მან ადვოკატის, შალვა ხაჭაპურიძის კითხვის საპასუხოდ განაცხადა, რომელიც დაინტერესდა, რას უკავშირდება 2022 წლის 17 მაისის ტომოგრაფიის შედეგი, სადაც აღნიშნულია, რომ თეთრი ნივთიერების სიმკვრივე შემცირებულია, ამასთან, საუბარია დემიელინიზაციაზე.

„ეს არის ძალიან შემაშფოთებელი, საგანგაშო მდგომარეობა, როდესაც კომპიუტერული ტომოგრაფიით ვლინდება თავის ტვინის მოცულობის შემცირება, როდესაც ის არის უფრო პატარა, ვიდრე უნდა იყოს ნორმაში. თუ ამ სიტუაციას აღმოაჩენ, საჭიროა ძალიან კომპლექსური გამოკვლევა, თუ რამ გამოიწვია ეს ცვლილება. თავის ტვინის მოცულების შემცირება ასოცირებულია იმ დაავადებებთან, რომელიც მას გააჩნია, მათ შორის, დემენცია და ეპილეფსია.

სამეცნიერო თვალსაზრისით, კომპიუტერული ტომოგრაფიის დროს ძალიან დიდ ალბათობას წარმოადგენს ის, რომ თეთრი ნივთიერების შემცირება დემენციის ერთ-ერთი შედეგია. იმისთვის, რომ სრულყოფილად იყოს წარმოდგენილი სურათი, მინდა ვთქვა, რომ დემენციის დიაგნოზი მარტო კომპიუტერული ტომოგრაფიით არ ისმება. დიაგნოზი კომპლექსური, ნევროლოგიური კვლევით ისმება. გონებრივი შესაძლებლობების შეფასება ხდება 2-დან 30-მდე, ის ყველა შემთხვევა, სადაც 26-ზე ნაკლებია, მეტყველებს თავის ტვინის დაზიანებაზე. ჩემს მიერ ჩატარებული კვლევა გვაჩვენებს, რომ ეს ქულა იყო 20, ეს მეტყველებს, რომ პათოლოგიაა“,- აღნიშნავს ექსპერტი.

მან გულყრის ეპიზოდებზეც ისაუბრა. როგორც ის განმარტავს, გულყრების ყველაზე მძიმე შესაძლო შედეგი უცაბედი სიკვდილია.

„გულყრებს შეიძლება სხვადასხვა მიზეზი ჰქონდეს. ეს შეიძლება იყოს ინფექციური, ტოქსიკური მიზეზები, ასევე თავის ტვინის ორგანული დაზიანებაც. როდესაც არის გულყრა, ის იწვევს გონების დაკარგვას, და ფიზიკური დაზიანებების მიღების საშიშროებაა. როდესაც, არ ხდება გულყრების კონტროლი, ეფექტური მოვლენა, უფრო მძიმე ხარისხის გულყრების წარმოქმნის საშიშროება არის. გულყრების ყველაზე მძიმე შესაძლო შედეგი უცაბედი სიკვდილია. როდესაც ადგილი აქვს გულყრას, სასუნთქ გზებში ჰაერი ადეკვატურად არ მოძრაობას და ამან შეიძლება უცაბედი სიკვდილი გამოიწვიოს. გულყრების შედეგად მას აღენიშნებოდა სხეულის სხვადასხვა ნაწილში დაზიანება, სახსრებში იყო დისლოკაცია, ამოვარდნილობა“,- აღნიშნავს ექსპერტი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024