გიული ალასანია მიხეილ სააკაშვილზე - ცხოვრება სტრესების გარეშე არ გამოდის, მაგრამ ამერიკელმა ექსპერტმა კვალიფიციურად გასცა პასუხი, რომ სტრესული აშლილობა დაკავშირებულია სწორედ ამ პატიმრობასთან

საქართველოს მესამე პრეზიდენტის მიხეილ სააკაშვილის დედის გიული ალასანიას განცხადებით, დღევანდელ სასამართლო პროცესზე ამერიკელი ექსპერტის და ნევროლოგის შახინ ემანუელ ლაჰანის ჩვენება მისთვის ცნობილი იყო, რადგან დიაგნოზებშიც ასახულია.

რაც შეეხება მიხეილ სააკაშვილის მდგომარეობას, როგორც ალასანიამ ჟურნალისტებს განუცხადა, მიხეილ სააკაშვილი წონაში ისევ იკლებს და ჯანმრთელობაც ბევრად გაუარესებულია.

„ნევროლოგმა რა ჩვენებაც მისცა, ჩემთვის ცნობილი იყო, რადგან თავის დიაგნოზში უწერია. ვიცნობ მის დიაგნოზს. ჩემთვის ეს ყველაფერი ახალი არ იყო, რა თქმა უნდა, მძიმე ავადმყოფია, ამას რამდენი ხანია ვიმეორებთ. ბავშვობიდან ყველას რაღაც სტრესი გვაქვს, ცხოვრება სტრესების გარეშე არ გამოდის. გააჩნია სტრესის სიმძიმეს და ხარისხს. ვფიქრობ, ძალიან კვალიფიციურად, კარგად გასცა პასუხი ამ ადამიანმა, რომ სწორედ ამ მონაკვეთში მიღებულ სტრესზეა საუბარი. სტრესული აშლილობა არის სწორედ დაკავშირებული ამ პატიმრობასთან და კონკრეტული შემთხვევები ჰქონდა მითითებული“, - განაცხადა ალასანიამ.

როგორც მან აღნიშნა, გონების დაკარგა მიხეილ სააკაშვილის სიცოცხლისთვის სახიფათოა.

„გონების დაკარგვაზე იყო საუბარი და ამან ერთ დღეს შეიძლება ფატალურ დასასრულამდე მიიყვანოს“, - განაცხადა ალასანიამ.

მისი განმარტებით, მოთხოვნაა, რომ მიხეილ სააკაშვილი საზღვარგარეთ გადაიყვანონ.

„იმ პირობებში, რომელშიც ახლა იმყოფება, მისი ჯანმრთელობა მხოლოდ უარესდება, არავითარი გაუმჯობესება არ არის, ეს ფაქტია და ექიმებიც ამას ამბობენ, ვის ხელშიც ახლა არის. ისინი ამას არ უარყოფენ. ფაქტია, რომ გრძელდება წონის კლება და ყველანაირი მახასიათებელი ბევრად გაუარესებულია“, - განაცხადა ალასანიამ.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი