„ჯორჯიან უოთერ ენდ ფაუერი“ მოსალოდნელ ყინვებთან დაკავშირებით რეკომენდაციებს ავრცელებს.

„ჯორჯიან უოთერ ენდ ფაუერის“ ინფორმაციით, იანვარში მოსალოდნელი ყინვების გამო, რეკომენდირებულია, ღამის განმავლობაში ონკანი წყლის მცირე ჭავლით მოშვებულად დატოვება.

9 იანვრიდან 15 იანვრამდე მოსალოდნელ ყინვებთან დაკავშირებით, წყალსადენი სისტემისა და აღრიცხვის კვანძის მოყინვის თავიდან აცილების მიზნით, „ჯორჯიან უოთერ ენდ ფაუერი“ თბილისის ზედა ზონებსა და კერძო სახლებში მცხოვრებ აბონენტებს რეკომენდაციით მიმართავს:

“სასურველია, შეფუთოთ თქვენს კუთვნილებაში არსებული ღია სივრცეში და ზედაპირულად განლაგებული აღრიცხვის კვანძები და წყალსადენი ქსელები.

ასევე, რეკომენდებულია, ღამის განმავლობაში მოშვებული დატოვოთ ონკანი წყლის მცირე ჭავლით. ამავე პერიოდში, იმ აბონენტებს, რომლებიც რეგისტრირებული არიან, როგორც საყოფაცხოვრებო ანუ ფიზიკური პირი, წყლის ჭარბი მოხმარების საფასური დაუკორექტირდებათ, განცხადებით მომართვის საფუძველზე”, - ნათქვამია მათ მიერ გავრცელებულ ინფორმაციაში.