გია ხუხაშვილი "ბუკზე" - მაჩუქეო არც გეუბნება, იქნებ ყიდულობს -  ამაზე ომში მყოფ ქვეყანას რომ უპასუხებ: „ჩემი ომში ჩათრევა გინდა“, სამარცხვინო და უღირსი ხარ

ბროუდერი ვინ არის „დაგუგლონ“ მაინც, ვიდრე გამოვლენ და იდიოტობას იტყვიან, - ასე ეხმაურება პოლიტოლოგი გია ხუხაშვილი საპარლამენტო უმრავლესობის წევრის, გივი მიქანაძის მიერ „პალიტრანიუსის“ გადაცემა „360 გრადუსში“ "მაგნიტსკის სიის" ავტორის უილიამ ბროუდერის განცხადებაზე გაკეთებულ კომენტარს, რომ „ბროუდერის განცხადება ლობისტური კამპანიის კომპონენტია“.

გია ხუხაშვილის თქმით, ბროუდერი თავად იყო დაზარალებული რეჟიმის მიერ და ის არავის დაქირავებული არ არის.

„ბროუდერის თემაზე მინდა ვთქვა, დღეს გამოიყვანეს ვიღაც ახალი ბრძენთა ბრძენი „ქართული ოცნებიდან“, გვარიც არ ვიცი ვინ არის, საიდან გაჩნდა ეს ხალხი საერთოდ, ღმერთმა უწყის, დეპუტატი, რომელმაც თქვა, რომ ბროუდერი თურმე ყოფილა ლობისტი და დიდი ფული უჯდება სააკაშვილს. ისიც არ იცის ბროუდერი ვინ არის, დაგუგლონ მაინც სანამ გამოვლენ და ამ იდიოტობას იტყვიან.

ბროუდერი იყო საერთაშორისო ინვესტორი, ერთ-ერთი ყველაზე დიდი საფინანსო ფონდის ხელმძღვანელი რუსეთში, გადაიხადა მოგების გადასახადი ძალიან დიდი ოდენობით და ეს ფული გაქრა და ამ საქმეზე მოკლეს მისი საქმის იურისტი. ამ ადამიანმა გადადო ყველაფერი და მიჰყვა ამ საქმეს. ლობისტი კი არაა კაცო, ის არის დაზარალებული ამ ტიპის რეჟიმების მხრიდან და ის ითხოვს მტკიცებულებებს, არ უნდა მყვირალა განცხადებები, არავის დაქირავებული არ არის ბროუდერი, თავის სახსრებით მუშაობს ამ სფეროში, იმას არ სჭირდება არავის დაფინანსება და ითხოვს მტკიცებულებებს მეორე მხრიდანაც, სწორსაც შვება, უპირობოდ ხომ არ ენდობა“, - განაცხადა გია ხუხაშვილმა.

გია ხუხაშვილი გადაცემაში გივი მიქანაძის მიერ კასიანოვის განცხადებაზე გაკეთებულ კომენტარსაც გამოეხმაურა, რომლის მიხედვითაც, „კასიანოვის განცხადება შეიძლება იყოს კიდევ ერთი მცდელობა, რომ საქართველო ომში იყოს ჩათრეული“.

„ომი არ გინდა ესაა ხელისუფლების მესიჯი ხომ? ის მაინც ხომ შეგიძლია, კორექტულად უპასუხო მეგობარს. „ომში ჩათრევა უნდა“ -თი კი არ უნდა უპასუხო, როდესაც გთხოვს, „შენ რომ ომში იყავი და მე რაღაც მოგეცი, ის მომეცი უკან“, მაჩუქეო არც გეუბნება, იქნებ ყიდულობს და შენ აქედან ამაზე ომში მყოფ ქვეყანას რომ უპასუხებ: „პროვოკატორი ხარ და ჩემი ომში ჩათრევა გინდა“, სამარცხვინო და უღირსი ხარ“, - განაცხადა გია ხუხაშვილმა.

ცნობისათვის, ანდრეი კასიანოვის განცხადებით, კიევმა ითხოვა „ბუკის“ კომპლექსების გადაცემა, რომლებიც უკრაინამ საქართველოს 2008 წლის ომის დროს გადასცა. მისივე თქმით, უკრაინის თხოვნა მოიცავდა ამერიკის შეერთებული შტატების მიერ საქართველოსთვის გადაცემულ Javelin-ის სისტემებს და ამ უკანასკნელთან დაკავშირებით იყო არა მხოლოდ თანხმობა შეერთებული შტატების მხრიდან, არამედ მათი ახალი კომპლექსებით ჩანაცვლების წინადადებაც კი.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024