გიორგი სააკაშვილი - დემენცია პატიმარს ნებისმიერ ქვეყანაში პირდაპირ ათავისუფლებს - მივმართავ ხელისუფლებას, მიშას მივცეთ ცხოვრების უფლება

ძალიან მნიშვნელოვანია ყოველდღიურად ჩაინიშნოს სასამართლო პროცესი და დროულად მოხდეს მოსამართლის მიერ გადაწყვეტილების მიღება ,- ამის შესახებ მესამე პრეზიდენტის მიხეილ სააკაშვილის ძმამ გიორგი სააკაშვილმა „პალიტრანიუსის“ გადაცემა „360 გრადუსში“ ისაუბრა.

გიორგი სააკაშვილის თქმით, მესამე პრეზიდენტის მდგომარეობა ყოველდღე რთულდება.

„მიშას მდგომარეობა მძიმეა. სურვილი ჰქონდა დღევანდელ სასამართლო პროცესს დისტანციურად ჩართვოდა. ბოლო მომენტში გადაწყვიტა, რომ ჯანმრთელობის მდგომარეობის გამო, დისტანციურად ჩართვას ვერ მოახერხებდა. ყოველდღე რთულდება მისი მდგომარეობა. ყველა თანხმდება ერთზე, სირცხვილია საქართველოს სახე, რომელიც წლების მანძილზე იყო, ასეთ მდგომარეობაში იყოს. ძალიან მნიშვნელოვანია ყოველდღიურად ჩაინიშნოს სასამართლო პროცესი და დროულად მოხდეს მოსამართლის მიერ გადაწყვეტილების მიღება“,- განაცხადა სააკაშვილმა.

ის ასევე გამოეხმაურა სპეციალური პენიტენციური სამსახურის სამედიცინო დეპარტამენტის ხელმძღვანელის მალხაზ ურთმელიძის განცხადებას, რომ მიხეილ სააკაშვილი ფსიქოტროპული პრეპარატების მიღებასთან ერთად, დღეში 2 ბოთლ კონიაკს იღებდა და განაცხადა, რომ ეს განცხადებები „გამაოგნებელია“.

„ისეთი შთაბეჭდილება მრჩება, რომ კონტრარგუმენტად არ იციან რა დააყენონ. იმის ნაცვლად, რომ ადამიანის მდგომარეობაში შევიდნენ, სასამართლო პროცესში ვისმენ, თურმე მიხეილ სააკაშვილი ორ ბოთლ კონიაკს იღებს. ამაზრზენია ასეთი ფრაზები“,- განაცხადა სააკაშვილმა.

კითხვაზე, როდიდან დაიწყო მიხეილ სააკაშვილმა ანტიდეპრესანტების მიღება, მესამე პრეზიდენტის ძმა პასუხობს, რომ იმხელა სტრესი აქვს მიხეილ სააკაშვილს გავლილი, რამე პრეპარატებს, რომ არ იღებდეს, ეს იქნება გასაკვირი.

„ეს ძალიან ჩვეულებრივია. ვერ გავიგე რაზე ედავებიან. ერთ-ერთი დასახელებული დიაგნოზია დემენცია, რომელიც პატიმარს ნებისმიერ ქვეყანაში, პირდაპირ ათავისუფლებს.

მნიშვნელოვანი პერსონებისგან ყოველდღე კეთდება მიშას მხარდამჭერი განცხადებები. ერთადერთი საქართველოს მთავრობა არ თანხმდება მიშას ჯანმრთელობის გაუმჯობესებას და მეორე, რუსეთის მხარე, რომელიც ყოველდღე ხარობს მიშას მდგომარეობით.

ერთ რამეზე შევთანხმდეთ, მიშა სააკაშვილი პუტინის პირადი ტყვეა. მიშას ბედი გლობალურად წყდება, ან პუტინის სურვილს შევასრულებთ საქართველოს მთავრობის ხელით, ან მისი ცხოვრება ფატალური შედეგით დასრულდება. მე, მაინც იმედი მაქვს, რომ ხელისუფლება გონს მოეგება და სასამართლო ღირსეულ გადაწყვეტილებას მიიღებს. მივმართავ ხელისუფლებას, მიშა სააკაშვილს მივცეთ ცხოვრების უფლება!“,- განაცხადა გიორგი სააკაშვილმა.

ზურაბ ბატიაშვილი - დასავლეთში მიღებულია გადაწყვეტილება, რომ ამ ომში უკრაინამ უნდა გაიმარჯვოს და ეს 2023 წელს მოხდება
ქართული პრესის მიმოხილვა 26.01.2023
ფარხად მამედოვი - აზერბაიჯან-სომხეთის მოლაპარაკებები შეიძლება შედგეს თბილისში, მაგრამ იმ შემთხვევაში, თუ ძირითადი მოდერატორი ამერიკა იქნება და არა ევროკავშირი
ხელოვნური ინტელექტი და სწავლების მეთოდები - BTU მასშტაბურ კვლევას იწყებს
ქართული ბიზნესკომპანიები უკრაინის მხარდაჭერას განაგრძობენ
Glovo და TNET საქართველოში ახალ ტექნოლოგიურ რეალობას ქმნიან
ხელოვნური ინტელექტის ინოვაციური პროდუქტის ChatGPT-ს შესახებ BTU-ში დისკუსია გაიმართა
Wolt საქართველოს მომხმარებელთა მხარდაჭერის გუნდი მალე გერმანიასაც მოემსახურება
“ლიბერთი” განათლების ხელშეწყობას აგრძელებს
წიგნი, რომელიც ხელოვნური ინტელექტის მიერ დაიწერა BTU-ში წარადგინეს
USA2GEORGIA მომხმარებლის წინაშე სრულ პასუხისმგებლობას იღებს და გამოწვევას უპრეცედენტო ლოიალობით პასუხობს