ანა ბუჩუკური - ჩანაწერის გამოქვეყნება არაერთი სუბიექტის ინტერესში შეიძლება შედიოდეს, არ ვგულისხმობ მხოლოდ „ოცნებას“ - 10-15 წლის წინ სადაც ვიყავით, პოლიტიკური კულტურის თვალსაზრისით, დღესაც იქ ვართ

ჩანაწერის გამოქვეყნება არაერთი სუბიექტის ინტერესში შეიძლება შედიოდეს, არ ვგულისხმობ მხოლოდ „ოცნებას" - სადაც ვიყავით 10-15 წლის წინ, პოლიტიკური კულტურის თვალსაზრისით, დღესაც იქ ვართ,- ამის შესახებ ჟურნალისტებთან პარტია „საქართველოსთვის“ წევრმა, დეპუტატმა ანა ბუჩუკურმა განაცხადა.

როგორც მან აღნიშნა, ჩანაწერების გამოქვეყნების სტილი არც „ნაციონალური მოძრაობისთვის“ არის უცხო და არც „ქართული ოცნებისთვის“.

„ავთენტურია თუ არა, ამაში შესვლას აზრი არ აქვს, ეს სერიოზული არ იქნება ჩვენგან. სამწუხაროდ, ეს ნიშნავს იმას, რომ პოლიტიკური კულტურა ამ ქვეყანაში არ გაუმჯობესებულა, სადაც ვიყავით 10-15 წლის წინ, სამწუხაროდ, იქ ვართ დღესაც პოლიტიკური კულტურის თვალსაზრისით. ფაქტია, რომ ე.წ. პოლიტიკური ელიტა ბევრად უკან არის და ჩვენი საზოგადოება ბევრად პროგრესირდა ამ წლების განმავლობაში. ფაქტობრივად პოლიტიკური ელიტა ვერ ეწევა საზოგადოების განვითარების დონეს და მოთხოვნებს“, - განაცხადა ბუჩუკურმა.

ცნობისთვის, სოციალურ ქსელში ჩანაწერი ვრცელდება, რომლის ავთენტურობაც დადასტურებული არ არის. გავრცელებული ჩანაწერების თანახმად, "ნაციონალური მოძრაობის" თავმჯდომარე ნიკა მელია მიხეილ სააკაშვილს უცენზურო სიტყვებით მოიხსენიებს.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024