ჯერჯერობით არავინ დამკავშირებია სასამართლოში ჩვენების მიცემასთან დაკავშირებით. მე მზად ვარ სასამართლოს წინაშე წარვდგე, - ამის შესახებ „ვივამედის“ კლინიკურმა დირექტორმა, ზურაბ ჩხაიძემ ჟურნალისტებთან საუბრისას განაცხადა.
მისივე თქმით, მიხეილ სააკაშვილის ჯანმრთელობის მდგომარეობის შესახებ ინფორმაცია პენიტენციურ სამსახურს მიეწოდება და მას ყოფილი პრეზიდენტის ჯანმრთელობის მდგომარეობაზე საჯაროდ საუბარი არ შეუძლია.
„პაციენტის მდგომარეობა მოგეხსენებათ, არ არის საჯარო ინფორმაცია. პაციენტის ჯანმრთელობის მდგომარეობის შესახებ მიეწოდება სრული ინფორმაცია სპეციალურ პენიტენციურ დაწესებულებას, ყველა კითხვაზე პასუხს თქვენ გაგცემთ, რა თქმა უნდა, პენიტენციური სამსახური.
რაც შეეხება სასამართლოს, ჯერჯერობით არავინ დამკავშირებია სასამართლოში ჩვენების მიცემასთან დაკავშირებით. მე მზად ვარ სასამართლოს წინაშე წარვდგე“, -განაცხადა ჩხაიძემ.