ანალენა ბერბოკი - ხარკოვი რუსეთის აგრესიული ომის სრული სიგიჟის სიმბოლოა - უკრაინის ყველა კუთხეში ხალხმა უნდა იცოდეს, რომ ჩვენი სოლიდარობისა და დახმარების იმედი შეუძლიათ ჰქონდეთ

გერმანიის საგარეო საქმეთა მინისტრის ანალენა ბერბოკის განცხადებით, გერმანია გააგრძელებს უკრაინისთვის სამხედრო დახმარების მიწოდებას. ამის შესახებ მან ხარკოვში ვიზიტის დროს განაცხადა.

გერმანიის საგარეო საქმეთა სამინისტროს ვებგვერდზე გავრცელებული განცხადების თანახმად, ბერბოკმა ხარკოვს “უკრაინაში რუსეთის აგრესიული ომის სრული სიგიჟის სომბოლო” უწოდა.

“ჩემი უკრაინელი კოლეგისა და მეგობრის დმიტრო კულებას მოწვევით, დღევანდელი ვითარების შესახებ წარმოდგენა მინდა აქ, ხარკოვში, მივიღო და, უპირველეს ყოვლისა, მოვუსმინო მცხოვრებლებს, რომლებიც ომს ამ ძალიან ცივ ზამთარში უმკლავდებიან… უკრაინის ყველა კუთხეში, ხარკოვიდან ხერსონსა და კიევამდე, ხალხმა უნდა იცოდეს, რომ მათ ჩვენი სოლიდარობისა და დახმარების იმედი შეუძლიათ ჰქონდეთ. ეს გულისხმობს ზამთრის დახმარებას, რომელიც მივაწოდეთ. გენერატორები და ტრანსფორმატორები, საწვავი და საბნები ახლა სიცოცხლეებს არჩენენ…და ეს გულისხმობს იარაღის შემდგომ მიწოდებებს”, - აღნიშნა ბერბოკმა.

გერმანიის საგარეო საქმეთა მინისტრმა ასევე განაცხადა, რომ მისთვის მნიშვნელოვანია “ამ ომის ზამთარშიც არ დავკარგოთ უკრაინის ადგილი ჩვენს ევროპულ ოჯახში”.

“უკრაინელები ყოველ დღე იბრძვიან დამოუკიდებლად ცხოვრების უფლებისთვის. ისინი საკუთარ მომავალს ევროპაში, ევროკავშირში ხედავენ. ამიტომ მსურს იმ პროგრესის შესახებ ვთქვა, რომელიც წევრობის პროცესშია მიღწეული. როგორც ფედერალურ მთავრობას, გვსურს უკრაინას კონკრეტული შეთავაზებები გავუკეთოთ, რათა მიაღწიოს პროგრესს კანონის უზენაესობის გაძლიერებაში, დამოუკიდებელი ინსტიტუტებისა და კორუფციის წინააღმდეგ ბრძოლაში, ასევე ევროკავშირის სტანდარტებთან შესაბამისობაში”, - თქვა ბერბოკმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024