„ლიბერთი ბანკის“ მობაილბანკს საპენსიო დანაზოგის ნახვის ფუნქცია დაემატა. საპენსიო სააგენტო განმარტავს, რომ დაგროვებით საპენსიო სქემაში ჩართულ მათი ბანკის ყველა მომხმარებელს საკუთარი საპენსიო ანგარიშის ჯამური აქტივების ნახვა მობაილბანკში შეეძლება.

„თქვენი დანაზოგი მთავარ გვერდზე უკვე გამოსახულია, ფუნქციონალის ღილაკზე დაჭერისას, კი შეგიძლიათ საპენსიო სააგენტოს ოფიციალურ ვებ-გვერდზე გადასვლა, სადაც თქვენს პირად საპენსიო ანგარიშზე სახელმწიფოს, დასაქმებულისა და დამსაქმებლის მიერ განხორციელებული შენატანებისა და მათზე დარიცხული სარგებლის შესახებ დეტალურ ინფორმაციას მიიღებთ.

მობაილბანკში თქვენი დასტურის შემდეგ, საპენსიო დანაზოგის შესახებ ინფორმაცია მუდმივად განახლდება. აქვე შეგახსენებთ, რომ თქვენს პირად საპენსიო ანგარიშზე შესასვლელად გჭირდებათ ბუღალტრის მიერ მოწოდებული ერთჯერადი პაროლი. ორი ან მეტი დამსაქმებლის შემთხვევაში, სისტემაში შესასვლელად დაგჭირდებათ ორი ნებისმიერი დამსაქმებლის პაროლი“, - ნათქვამია განცხადებაში.