პაატა მანჯგალაძე - გურამ მაჭარაშვილი და მისი ჯგუფი არის „ჩხრიალა გველის“ კუდი, რომ კუდზე გადავიტანოთ ყურადღება და თავი გადარჩეს - თავი არის „ქართული ოცნება"

გურამ მაჭარაშვილი და მისი ჯგუფი არის „ჩხრიალა გველის“ კუდი, რომ კუდზე გადავიტანოთ ყურადღება და თავი გადარჩეს - თავი არის „ქართული ოცნება", - ამის შესახებ ჟურნალისტებთან „სტრატეგია აღმაშენებლის" დეპუტატმა პაატა მანჯგალაძემ განაცხადა, რითაც ანდრეი კასიანოვზე გურამ მაჭარაშვილის განცხადებას გამოეხმაურა.

მანჯგალაძის თქმით, უკრაინამ არა მხოლოდ საქართველოს, არამედ ყველა ქვეყანას მიმართა იარაღით დახმარების თხოვნით და მიუღებელია ის განცხადებები, რომელსაც "ხალხის ძალა" და „ქართული ოცნება" აკეთებენ.

„მაჭარაშვილის ჯგუფს რაც შეეხება, ახლა როცა მოვუსმინე, ვფიქრობდი რა სტრატეგია შეიძლება ჰქონდეთ მათ, როცა გამოდიან, ატეხენ ხმაურს, მერე დაიკარგებიან, მერე ისევ ხმაურობენ, ეს არის არარსებული, მოდელირებული რეალობის შექმნის მცდელობა, რასაც ისინი აკეთებენ, როცა დასავლეთისგან ქმნიან მტრის ხატს. ასეთი გველის სახეობა არსებობს, „ჩხრიალა გველი“ ჰქვია. საფრთხე როცა არსებობს, თავი რომ გადაირჩინოს, გამოყოფს კუდს და დაიწყებს ჩხრიალს, ასეთი კუდია ხალხის ძალა ქართულ პოლიტიკაში, რომ კუდზე გადავიტანოთ ყურადღება, კუდის ჩხრიალზე, რომ თავი გადარჩეს და თავი არის "ქართული ოცნება“, - განაცხადა მანჯგალაძემ.

ცნობისათვის, "ხალხის ძალის" წევრი, დეპუტატი გურამ მაჭარაშვილი მიიჩნევს, რომ საქართველოში უკრაინის დროებით რწმუნებულის, ანდრეი კასიანოვის განცხადება იყო ბრალდება აშშ- ის მიმართ საომარ მოქმედებებში ჩართვასთან დაკავშირებით. მან აშშ-ის ელჩს საქართველოში კელი დეგნანს მოუწოდა, უარყოს ან დაადასტუროს კასიანოვის განცხადება.

ინფორმაციისთვის, ანდრეი კასიანოვის განცხადებით, კიევმა ითხოვა „ბუკის“ კომპლექსების გადაცემა, რომლებიც უკრაინამ საქართველოს 2008 წლის ომის დროს გადასცა. მისივე თქმით, უკრაინის თხოვნა მოიცავდა ამერიკის შეერთებული შტატების მიერ საქართველოსთვის გადაცემულ Javelin-ის სისტემებს და ამ უკანასკნელთან დაკავშირებით იყო არა მხოლოდ თანხმობა შეერთებული შტატების მხრიდან, არამედ მათი ახალი კომპლექსებით ჩანაცვლების წინადადებაც.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024