სასამართლო პროცესის პარალელურად თბილისის საქალაქო სასამართლოსთან მიხეილ სააკაშვილის მხარდამჭერები არიან შეკრებილი
საქართველოს ყოფილი პრეზიდენტის მიხეილ სააკაშვილის სასამართლო პროცესის პარალელურად თბილისის საქალაქო სასამართლოსთან ყოფილი პრეზიდენტის მხარდამჭერები არიან შეკრებილი.
ისინი მიხეილ სააკაშვილისთვის სასჯელის გადავადებას და სამკურნალოდ საზღვარგარეთ გადაყვანას ითხოვენ.
„ნაციონალური მოძრაობის“ წევრის, სოფო ჯაფარიძის განცხადებით, მას სასამართლოს იმედი არ აქვს.
„სასამართლოს იმედი არ მაქვს, მაგრამ მაქვს იმედი, რომ კრიტიკულ მომენტში პრეზიდენტს შეუძლია მიიღოს სწორი და ღირსეული გადაწყვეტილება და შეიწყალოს მიხეილ სააკაშვილი“, - განაცხადა ჯაფარიძემ.
