გიორგი ბარამიძე - უპირველეს ყოვლისა, პრეზიდენტ სააკაშვილის სიცოცხლეა გადასარჩენი - არ გვაქვს მოლოდინი, რომ საქართველოში სასამართლო, განსაკუთრებით ასეთ საკითხთან დაკავშირებით, ობიექტური იქნება

„ნაციონალური მოძრაობის“ ერთ-ერთი ლიდერი, გიორგი ბარამიძე მიიჩნევს, რომ საქართველოს მესამე პრეზიდენტის, მიხეილ სააკაშვილის სიცოცხლეა გადასარჩენი. როგორც მან თბილისის საქალაქო სასამართლოში ჟურნალისტებს განუცხადა, მიხეილ სააკაშვილი თავისი ფეხით შევიდა ჰოსპიტალში და ახლა პრაქტიკულად, წონაში განახევრებულია, ვერ გადაადგილდება.

„დღეს მორიგი სასამართლო პროცესია, რომელსაც მიშა ვერ ესწრება მის ჯანმრთელობის უმძიმესი მდგომარეობის გამო. როგორც ადვოკატები გვეუბნებიან, დღეს გაგრძელდება იმ ექსპერტების გამოკითხვა, რომლებიც ამბობენ, რომ მიხეილ სააკაშვილის მდგომარეობა არის ძალიან მძიმე, რომ მან საპყრობილეში ყოფნის დროს იმდენი სახის სხვადასხვა დაავადება შეიძინა, მისი მდგომარეობის გამოსწორება პრაქტიკულად შეუძლებელია საქართველოს ჰოსპიტალურ სისტემაში. ვხედავთ, რომ ადამიანი თავისი ფეხით შევიდა ჰოსპიტალში და ახლა პრაქტიკულად, წონაში განახევრებულია, ვეღარ დადის, ვერ გადაადგილდება. ზოგიერთი ექსპერტი საუბრობს მისი მოწამვლის შესახებ და გაურკვეველია რა ვითარებაში, როგორ მოხდა ეს, რა გარემოებები იყო, ყველაფერი ეს გამოსაკვლევია. უპირველეს ყოვლისა, პრეზიდენტ სააკაშვილის სიცოცხლეა გადასარჩენი. ამას ამბობენ არა მარტო მისი ადვოკატები, არამედ ექიმების კონსილიუმი, რომელიც სახალხო დამცველმა შექმნა. სწორედ მათ, ისევე, როგორც სხვა ექიმებმა და ექსპერტებმა თქვეს ერთმნიშვნელოვნად, რომ მისი სიცოცხლის გადასარჩენად აუცილებელია მკურნალობა საზღვარგარეთის მულტიპროფილურ კლინიკაში, სადაც ექნებათ როგორც აპარატურა, ეყოლებათ მრავალი სპეციალისტი, ასევე იქნება გარემო, სადაც საშუალება ექნება პრეზიდენტს, ექიმებმა უმკურნალონ იმ დაავადებებზე, რომელიც მან საპყრობილეში ყოფნის დროს შეიძინა. ერთ-ერთი არის იგივე ანორექსია, რომლის ძალითაც სამწუხაროდ, ადამიანის ორგანიზმი ვერ იღებს საკვებს, ასეთია ასევე მრავალი ნევროლოგიური დაავადება. ბუნებრივია, საქართველოში ეს ყველა ნორმალურ ადამიანს აღელვებს. რაც შეეხება სასამართლოს, ჩვენ არ გვაქვს მოლოდინი, რომ საქართველოში სასამართლო, განსაკუთრებით ასეთ საკითხთან დაკავშირებით ობიექტური იქნება“,-განაცხადა ბარამიძემ.

არმაზ ახვლედიანი - რაც „ნაცმოძრაობაში“ ხდება, „ქართული ოცნების“ წისქვილზე ასხამს წყალს, ამას „ნაცმოძრაობის“  ხელმძღვანელები ვერ ხვდებიან? თუ ვერ ხვდებიან, მაშინ რა უნდათ პოლიტიკაში?
ქართული პრესის მიმოხილვა 08.02.2023
რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ნათია სონღულაშვილი - ყველა ის გარანტია, რომელსაც სპეციალური საგამოძიებო სამსახური არასათანადო მოპყრობის მსხვერპლს სთავაზობს, გაზრდის მსხვერპლის ნდობას სამსახურისა და თითოეული გამომძიებლის მიმართ
მსოფლიო ჩემპიონატის წინ სილქნეტი სათხილამურო ფედერაციასთან ერთად მედიას შეხვდა
კრედო ბანკსა და ევროპის რეკონსტრუქციისა და განვითარების ბანკს (EBRD) შორის ქართული ბიზნესების მხარდასაჭერად ხელშეკრულება გაფორმდა
„საქართველოს საბანკო ასოციაცია“ განცხადებას ავრცელებს
რეკრუტინგის პირველი ქართული აპლიკაციის - Awork Business App-ის პრეზენტაცია 2 თებერვალს, King David-ში გაიმართა
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა