თურქეთმა უკრაინას კასეტური ბომბები გაუგზავნა. ინფორმაციას ამერიკული გამოცემა Foreign Policy საკუთარ წყაროებზე დაყრდნობით ავრცელებს.

გამოცემის ცნობითვე, კასეტური ბომბების გადაცემაზე შეერთებულმა შტატებმა უკრაინას უარი უთხრა.

ამასთან, Foreign Policy აღნიშნავს, რომ ოფიციალურმა ანკარამ კიევს აღნიშნული საბრძოლო მასალების პირველი პარტია 2022 წლის ნოემბერში გაუგზავნა, მაგრამ ჯერჯერობით უცნობია, იყენებს თუ არა უკრაინა კასეტურ ბომბებს ბრძოლის ველზე.

როგორც გამოცემა დასძენს, რუსეთთან გარკვეული თვალსაზრისით კარგი ურთიერთობის მიუხედავად, თურქეთი უკრაინას მნიშვნელოვან სამხედრო დახმარებას უწევს.