გია ცაგარეიშვილი - სააკაშვილს, რომლის შესახებაც ამბობენ, რომ მეხსიერებაში „ჩავარდნები" აქვს, კარგად ახსოვს 2007 წელს „ბუკის" სისტემის შეძენა - ისიც ემახსოვრება რამდენი გადაიხადა სახელმწიფომ, მაგრამ არ ამბობს, რადგან არ აწყობს

მიხეილ სააკაშვილს, რომლის შესახებაც ამბობენ, რომ მეხსიერებაში „ჩავარდნები" აქვს, კარგად ახსოვს, რომ 2007 წელს "ბუკის" სისტემა შეიძინა - დარწმუნებული ვარ, ისიც ემახსოვრება რამდენი გადაიხადა ქართულმა სახელმწიფომ, მაგრამ არ ამბობს, რადგან თქმა არ აწყობს, - ამის შესახებ ჟურნალისტებს "ქართული ოცნების" დეპუტატმა გია ცაგარეიშვილმა განუცხადა.

ცაგარეიშვილის თქმით, სამხედრო აღჭურვილობაში საკმაოდ დიდი თანხაა გადახდილი და "ჩვენ არავინ არაფერს გვჩუქნის, ერთეული შემთხვევების გარდა".

"ამ ყველაფერში საკმაოდ დიდი თანხებია გადახდილი, რაც მომავალშიც გაგრძელდება. საქართველოს თავდაცვის საშუალებები სჭირდება და ყველაფერს გავაკეთებთ იმისთვის, რომ ამგვარი საშუალებები ამ ქვეყანას ბევრი და ხარისხიანი ჰქონდეს, რომელსაც მაშინ გამოიყენებს, როცა ამის დრო დაუდგება.

ცხინვალის კატასტროფის შემდეგ ამგვარი შესყიდვები ფაქტობრივად გაჩერებული იყო. განსაკუთრებით აშშ-სთან ურთიერთობა სამხედრო აღჭურვილობის შესყიდვასთან დაკავშირებით აღარ იყო და 2008-2012 წლებში ამ მხრივ ძალიან გვიჭირდა. ეს ყველაფერი 2013-2015 წლებში განახლდა. სწორედ მაშინ შევიძინეთ ტანკსაწინააღმდეგო სისტემები - ე.წ. ჯაველინები და არა მხოლოდ - უამრავი რამ, რაც საქართველოს თავდაცვის ძალებს, შს სამინისტროს და უსაფრთხოების სამსახურებს სჭირდება.

ამის საჭიროება ქვეყანას მუდმივად უდგას და ჩვენ უზრუნველყოფის თვალსაზრისით არამხოლოდ აშშ-სთან, არამედ სხვა ბევრ ქვეყნებთან ვთანამშრომლობთ და ამ თანამშრომლობას მომავალშიც გავაგრძელებთ - ამაში განსაცვიფრებელი არაფერია!

საქართველო უკრაინის დასახმარებლად ყველაფერს აკეთებს, რაც მის ძალებშია. უკრაინას დიდი გასაჭირი უდგას - ებრძვის ოკუპანტს, პუტინის შეიარაღებულ ძალებს, რომლებიც უკრაინას ანადგურებენ. ჩვენ ჩვენი პირობებიდან გამომდინარე, რაც შეგვიძლია ვეხმარებით და მაქსიმუმს ვაკეთებთ, რასაც მომავალშიც გავაგრძელებთ", - განუცხადა ჟურნალისტებს გია ცაგარეიშვილმა.

რამაზ საყვარელიძე - საქართველოს რუსეთისკენ მოძრაობის მოტივს ვერ ვხედავ, სამაგიეროდ ვხედავ რუსეთის მოტივს, დაარწმუნოს ყველა, რომ საქართველო მისი ისეთი კარგი მეგობარია, რომ მოსკოვი ფრენებსაც კი აღადგენს
ქართული პრესის მიმოხილვა 06.02.2023
თეონა ლავრელაშვილი - ევროკავშირის ანგარიში თვითკმაყოფილებად არ უნდა ვაქციოთ, მთავარი „საშინაო დავალება“ არის ევროკავშირის 12 რეკომენდაციის მაქსიმალურად შესრულება
საქართველო და პოსტ-საბჭოთა პერიოდის დასასრული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე