„ნაციონალურ მოძრაობაში“ პარტიის თავმჯდომარეობისთვის ბრძოლა ყველა ეთიკურ და მორალურ ზღვარს გადასცდა - ეს პროცესები ამ პარტიას კიდევ უფრო მეტად დაასუსტებს, - ამის შესახებ ჟურნალისტებს „ქართული ოცნების“ დეპუტატმა ნიკოლოზ სამხარაძემ განუცხადა.
მისივე თქმით, ქვეყნისთვის ძალიან ცუდია, როცა მთავარ ოპოზიციურ პარტიაში ასეთი სახის დაპირისპირებაა.
„ისინი ერთმანეთისთვის კომპრომატების მოძიებას და ამ კომპრომატების საჯაროდ გამოყენებას არ ერიდებიან. შიდა დაპირისპირების მიზანია თავმჯდომარის სკამის მოპოვება. სკამი რისთვის სჭირდებათ?! - იმისთვის, რომ კეზერაშვილის დაფინანსება ჰქონდეთ და ამბიცია, რომ მომავალში, ამ ქვეყნის პოლიტიკურ პროცესებში ავად თუ კარგად იყვნენ ჩართული“, - განაცხადა სამხარაძემ.