გასტროენტეროლოგი სტიუარტ ფინკელი - სააკაშვილის საჭმლის მომნელებელი სისტემის მდგომარეობამ შეიძლება გამოიწვიოს თუ არა სიკვდილი? - ჩემი პასუხია, დიახ!

გასტროენტეროლოგი სტიუარტ ფინკელი მიიჩნევს, რომ საჭმლის მომნელებელი სისტემის იმ მდგომარეობამ, რომელიც საქართველოს ყოფილ პრეზიდენტს აღენიშნება, შეიძლება სიკვდილი გამოიწვიოს.

ამის შესახებ ფინკელმა, მიხეილ სააკაშვილის ადვოკატის შალვა ხაჭაპურიძის კითხვის საპასუხოდ განაცხადა.

კითხვაზე: „ამ ტიპის მკურნალობით, რა მკურნალობაც უტარდება და დინამიკაში მისი გასტროენტეროლოგიური მდგომარეობის გათვალისწინებით, შესაძლებელია თუ არა დადგეს სააკაშვილის სიკვდილი თუ მას სასწრაფოდ არ გაეწევა დასავლეთ ევროპისა და ამერიკის შეერთებული შტატების მესამე დონის კლინიკებში კვალიფიციური მკურნალობა?“ - გასტროენტეროლოგმა აღნიშნა, რომ მნიშვნელოვანია ამ პრობლემის დიაგნოსტირება და მკურნალობა.

„პირველი კითხვა იყო, საჭმლის მომნელებელი სისტემის მდგომარეობამ შეიძლება გამოიწვიოს თუ არა სიკვდილი? - ჩემი პასუხია, დიახ! დღევანდელი მდგომარეობით, ეს 47%-იანი წონის კლება, რომელიც სახეზე გვაქვს და რომელიც გრძელდება, თუ არ გვექნება შესაბამისად დიაგნოსტირებული და ნამკურნალები, ამან შეიძლება მიგვიყვანოს სიკვდილამდე“, - განაცხადა სტიუარტ ფინკელმა.

ამასთან, ადვოკატმა დააზუსტა, იყო თუ არა მისი ეს პოზიცია კატეგორიული.

„დიახ, კატეგორიულიც არის და ძლიერიც“,- აღნიშნა ფინკელმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024