დიდი ბრიტანეთი უკრაინისთვის ტანკების გადაცემას გეგმავს.

ინფორმაციას ამის შესახებ გამოცემა The Financial Times-ი მთავრობის სპიკერზე დაყრდნობით ავრცელებს.

კერძოდ, დიდი ბრიტანეთის მთავრობის სპიკერმა ჟურნალისტებთან საუბარში თქვა, რომ პრემიერ-მინისტრმა რიში სუნაკმა თავდაცვის მინისტრ ბენ უოლესს სთხოვა, მომავალი რამდენიმე კვირის განმავლობაში “პარტნიორებთან იმუშაოს”, რათა “წინ წავიწიოთ და დავაჩქაროთ უკრაინის დახმარება, ტანკების მიწოდების ჩათვლით”.

“ჩვენ ვაძლიერებთ უკრაინის დახმარებას, როდესაც შემდეგი თაობის სამხედრო ტექნოლოგიებს ვაწვდით, რომლებიც ამ ომის მოგებაში დაეხმარებათ. აშკარაა, რომ საბრძოლო ტანკებს შეუძლიათ უკრაინელებს თამაშის წესების შეცვლის საშუალება მისცენ”, - თქვა მთავრობის სპიკერმა.

გამოცემა ვარაუდობს, რომ საუბარი ბრიტანული წარმოების Challenger 2 ტანკებზეა, რომლებითაც დიდი ბრიტანეთის არმიაა შეიარაღებული.