ზურაბ აზარაშვილი „იხილოვის სამედიცინო ცენტრის“ დელეგაციას შეხვდა

საქართველოში, ბავშვთა ონკოლოგიური სახელმწიფო კლინიკის შექმნასთან დაკავშირებით, ზურაბ აზარაშვილი ისრაელის „იხილოვის სამედიცინო ცენტრის“ წარმომადგენლებს შეხვდა. ამის შესახებ ინფორმაციას ჯანდაცვის სამინისტრო ავრცელებს.

ჯანდაცვის უწყების ცნობით, „იხილოვის სამედიცინო ცენტრის“ დელეგაცია, მსოფლიოს მასშტაბით, ბავშვთა ონკოლოგიური კლინიკების მშენებლობისა და მოწყობის 10-წლიანი გამოცდილების მქონე სამუშაო ჯგუფს წარმოადგენს.

დელეგაციის წევრებმა, უწყების წარმომადგენლებს, სამედიცინო ცენტრის ფუნქციონირების, კლინიკის მოწყობისა და მკურნალობის ტაქტიკის შემუშავების შესახებ დეტალური ინფორმაცია მიაწოდეს. განიხილეს ონკო-ჰემატოლოგიური სერვისების მიმართულებით დანერგილი პრაქტიკაც.

როგორც შეხვედრაზე ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა ზურაბ აზარაშვილმა აღნიშნა, „იხილოვის სამედიცინო ცენტრის“ გამოცდილების გაზიარება და სამომავლოდ, მათთან თანამშრომლობა ქართული მხარისთვის მნიშვნელოვანია.

უწყების წარმომადგენლების გარდა, შეხვედრას ქუთაისის საერთაშორისო უნივერსიტეტის რექტორი ესწრებოდა, რომელმაც დელეგაციის წევრებს საგანმანათლებლო დაწესებულების სტრატეგიული განვითარების გეგმა გააცნო. ისაუბრეს პროტონული თერაპიის კლინიკისა და ადრონული თერაპიის ცენტრის შესახებაც, სადაც სამეცნიერო კვლევითი პროექტები განხორციელდება.

გარდა ამისა, ვიზიტის ფარგლებში, დელეგაციის წევრები ადგილზე იმ ინფრასტრუქტურულ, კლინიკურ და საგანმანათლებლო ბაზას გაეცნობიან, რომელიც ქვეყანაში არსებობს.

შეხვედრას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის პირველი მოადგილე თამარ გაბუნია, საქართველოს ელჩი ისრაელის რესპუბლიკაში ლაშა ჟვანია, „სოლიდარობის ფონდის“ ხელმძღვანელი ეკა ფესტვენიძე, "სოლიდარობის ფონდის" რეფერალური მომსახურების სახელმწიფო პროგრამის ხელმძღვანელი ხათუნა ჩაჩავა, ფონდ „ქართუს“ პროექტების დირექტორი ვახტანგ ცაგარელი, ისრაელის რესპუბლიკის ელჩი საქართველოში ჰადას ესტერ მეიცადი და დელეგაციის სხვა წევრები ესწრებოდნენ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
„დაგროვებითი პენსიის შესახებ“ კანონში ცვლილებები შედის - რა სიახლეებს უნდა ელოდონ საპენსიო სქემის მონაწილეები
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024