საპროკურორო საბჭოს თავმჯდომარის პოსტზე ასარჩევად კენჭისყრაში მონაწილეობას მხოლოდ ერთი კანდიდატი, შოთა ტყეშელაშვილი იღებს.

ტყეშელაშვილის კანდიდატურა საბჭოს პროკურორმა წევრმა ალექსანდრე მუყასაშვილმა წარადგინა.

საპროკურორო საბჭოს თავმჯდომარის არჩევა ფარული კენჭისყრით, ხმათა უმრავლესობით მოხდება. კენჭისყრა 15-წუთიანი ტექნიკური შესვენების შემდეგ უნდა გაიმართოს.

საპროკურორო საბჭო, ორგანული კანონით დადგენილი წესით არჩეული 15 წევრისგან შედგება. საპროკურორო საბჭოს თავმჯდომარეს 2 წლის ვადით საპროკურორო საბჭო ირჩევს. საპროკურორო საბჭოს თავმჯდომარის პოზიციას ამ დრომდე თბილისის პროკურორის მოადგილე მერაბ ჯერანაშვილი იკავებდა.