საქართველოს მესამე პრეზიდენტის, მიხეილ სააკაშვილის ადვოკატი შალვა ხაჭაპურიძე უკრაინის საელჩოში იმყოფება. ის საქართველოში უკრაინის საქმეთა დროებით რწმუნებულს, ანდრეი კასიანოვს შეხვდება.

შალვა ხაჭაპურიძის ინფორმაციით, შეხვედრის ინიციატორი თავად კასიანოვი იყო, შეხვედრაზე კი მთავარი თემა მესამე პრეზიდენტის სასამართლო პროცესები იქნება.

„უკრაინა აქტიურად არის ჩართული მიხეილ სააკაშვილის საქმეში. ელჩის მოვალეობის შემსრულებელთან ერთხელ უკვე მქონდა შეხვედრა. ალბათ, სამართლებრივ საკითხზე დაინტერესდება, არ გამოვრიცხავ „მაგნიტსკის“ სიაზეც იყოს საუბარი", - აღნიშნავს ხაჭაპურიძე.