უკრაინის ეროვნული უსაფრთხოებისა და თავდაცვის საბჭოს მდივანი, ოლექსი დანილოვი აცხადებს, რომ მომდევნო რამდენიმე თვე რუსეთ-უკრაინის ომში ძალიან მნიშვნელოვანი იქნება, რადგან ორივე მხარე გადამწყვეტი ბრძოლისთვის ემზადება.
„მომდევნო ორი-სამი თვე ძალიან მნიშვნელოვანი იქნება და თითქმის გადამწყვეტი ამ ბრძოლაში, რომლისთვისაც ჩვენ ვემზადებით და ჩვენი მტერი, აგრესორიც ემზადება“, - აღნიშნა დანილოვმა.
შეგახსენებთ, უკრაინის თავდაცვის მინისტრის მოადგილემ, ანა მალიარმა განაცხადა, რომ სოლედარში სასტიკი ბრძოლები გრძელდება, მტერი წარუმატებლად ცდილობს თავდაცვის გარღვევას.