"ნაციონალური მოძრაობის" თავმჯდომარის არჩევნებში ხმის მიცემა 28 იანვარს დაიწყება და 30 იანვარს დასრულდება

"ნაციონალური მოძრაობის“ თავმჯდომარის არჩევნებში მონაწილეობისთვის ამომრჩეველთა რეგისტრაციის პროცესი დღეს დაიწყება, ხოლო არჩევნების შედეგები 30 იანვარს გახდება ცნობილი. „ნაციონალური მოძრაობის“ ერთ-ერთი წარმომადგენელი, ნინო კვიტაიშვილი განმარტავს, რომ პარტიის თავმჯდომარის არჩევნების პროცესი მთლიანად ფარული იქნება და შედეგებს საზოგადოება 30 იანვარს, დილით გაეცნობა, როდესაც ხმის მიცემის პროცედურა დასრულდება.

როგორც მან ჟურნალისტებს განუცხადა, ხმის მიცემის პროცედურა 28 იანვარს, დილის 10:00 სთ-დან დაიწყება და 30 იანვარს დასრულდება.

„დღეს დაიწყება თავმჯდომარის არჩევნებში მონაწილეობისთვის ამომრჩეველთა რეგისტრაციის პროცესი. ამ მიზნით „ფეისბუქის“ ჩვენ ოფიციალურ გვერდზე განთავსდება ბმული, რომელზეც ხელის დაჭერის შემთხვევაში ამომრჩეველი სარეგისტრაციო ფანჯარაში გადადის, სადაც მას შეჰყავს თავისი პირადი მონაცემები: გვარი, პირადი ნომერი და ტელეფონის ნომერი, რის შემდეგაც იგი მიიღებს ვერიფიკაციის კოდს და ვერიფიკაციის კოდის გააქტიურების შედეგად, ის ხდება ამომრჩეველთა ერთიან პროცესში. თავად რეგისტრაციის პროცესი დღეიდან წარიმართება 26 იანვრის დილის 10:00 სთ-მდე. პასუხისმგებლობით მინდა განვაცხადო, რომ პროცესი, როგორც ამომრჩეველთა სიასთან დაკავშირებით, ისე ხმის მიცემის პროცედურასთან დაკავშირებით, თუ რომელმა ამომრჩეველმა რომელ კანდიდატს დაუჭირა მხარი, არ იქნა საზოგადოებისთვის ცნობილი. ანუ, პროცესი მთლიანად იქნება ფარული და შედეგებს საზოგადოება გაეცნობა 30 იანვრის დილით, როდესაც ხმის მიცემის პროცედურა დასრულდება. ხმის მიცემის პროცედურა იქნება 48 საათის განმავლობაში, 28 იანვრის დილის 10:00 სთ-დან 30 იანვრის დილის 10:00-საათამდე“, - განაცხადა კვიტაიშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024