თუ გაინტერესებთ, პუტინის რეჟიმმა და პუტინის ჯალათებმა რა დამართეს მაგნიტსკის, ორი ღერი ინგლისური ხომ იცით? - "დასერჩეთ", დაძებნეთ და ნახეთ, ვინ იყო მაგნიტსკი, რა პირობებში იმყოფებოდა - ამ ადამიანს სული "ბუტირკაში" ამოხადეს, - ამის შესახებ ჟურნალისტებს "ქართული ოცნების" დეპუტატმა გიორგი ცაგარეიშვილმა განუცხადა.

ცაგარეიშვილის აზრით, სერგეი მაგნიტსკის საქმის მიხეილ სააკაშვილთან შედარება, რომელიც

VIP 2-ოთახიან პალატაში იმყოფება და ათასობით მნახველი ჰყავს, არ შეიძლება.

"დასკვნები შემდეგ გააკეთეთ, ვინ ტანჯავს და ვინ დევნის სწორუპოვარ გმირს და ჰუმანისტ სააკაშვილს. ამ ყველაფრის შეფუთვა და გაყიდვა რომ იყო საჭირო, ამიტომ დაიქირავეს 15 ათას დოლარად ლობისტური კომპანია. სხვათა შორის, ამ კომპანიას ხელშეკრულება გასდის და გვაინტერესებს, ეს გაგრძელდება თუ არა. როგორც ვატყობ, იმისკენ მიდის პროცესი, რომ ბინძური პასკვილი შეიქმნას და ქვეყანას დაბრალდეს ის, რაც წარმოუდგენელია", - განაცხადა ცაგარეიშვილმა.