მიხეილ სარჯველაძე - არავითარი წინაპირობა არ არსებობს იმის სათქმელად, რომ სააკაშვილის შემთხვევის მაგნიტსკის საქმესთან მსგავსება შეიძლება იქნას აღმოჩენილი

ნუ გიხარიათ ნურავის თქვენი ქვეყნის უპატივცემულობა - წინასწარ ინსინუაციების დაგეგმვა ზოგიერთი თანამდებობის პირის მხრიდან უკრაინის ხელისუფლებაში არ არის ის, რაც ჩვენი ქვეყნის სუვერენიტეტს განამტკიცებს, - ასე მიმართა ადამიანის უფლებათა დაცვის კომიტეტის თავმჯდომარე მიხეილ სარჯველაძემ ჟურნალისტებს. დეპუტატი უკრაინაში სააკაშვილთან დაკავშირებით გამოძიების დაწყების საკითხს გამოეხმაურა და აღნიშნა, რომ თუ ვინმეს კითხვები აქვთ, შეუძლიათ დასვან და პასუხები მიიღონ, ასევე შეუძლიათ დაელოდონ საქმის განხილვას საქართველოს სასამართლოში.

„გამოძიების დაწყება ასე არ არის, არ შეიძლება ყველაფერი პოლიტიკის და პიარის ნაწილად გავხადოთ, მით უმეტეს საკითხები, რომელიც სამართლებრივია, იურისდიქციები არსებობს, ქვემდაბარეობები, ვინ, როგორ და რა შემთხვევაში უნდა გამოიძიოს, არ შეიძლება მარტო იმიტომ, რომ დღეს ვინმე უკრაინის ხელისუფლებაში სააკაშვილს პოლიტიკურად გულშემატკივრობს, ყველა ეს წესი გვერდზე გადაიდოს და ყველა წესის მიღმა და დარღვევით რაღაც პროცედურები წარიმართებოდეს. სუვერენული სახელმწიფო ვართ, ნუ გიხარიათ ნურავის, მარტო იმიტომ, რომ შეიძლება სააკაშვილს გულშემატკივრობდეთ, თქვენი ქვეყნის უპატივცემულობა. მხოლოდ პიარის მოტივით, ფაქტების საწინააღმდეგოდ, ფაქტების მიუღებლად, ერთი სახელმწიფოს მიერ მეორეს წინააღმდეგ აქტივობების დაგეგმვა არ არის ის, რაც უნდა გიხაროდეთ.

წინასწარ ინსინუაციების დაგეგმვა ზოგიერთი თანამდებობის პირის მხრიდან უკრაინის ხელისუფლებაში ან ნებისმიერ სხვა შემთხვევაში, არ არის ის, რაც ჩვენი ქვეყნის სუვერენიტეტს განამტკიცებს," - განაცხადა სარჯველაძემ.

მისივე თქმით, საუბარი „მაგნიტსკის სიასთან“ დაკავშირებით ნონსენსია.

„არავითარი წინაპირობა არ არსებობს იმის სათქმელად, რომ სააკაშვილის შემთხვევის მაგნიტსკის საქმესთან მსგავსება შეიძლება იქნეს აღმოჩენილი. გამორიცხულია, ვინმემ ახსნას ობიექტური კრიტერიუმით, თუ რა შეიძლება იყოს პარალელი, ეს სხვა არაფერია თუ არა პიარული სვლა, სიაზე საუბრის წამოწყებით, მაგნიტსკის ნეგატიური ფაქტორის მოშველიებით დისკრედიტაციის მცდელობასთან გვაქვს საქმე, სერიოზული მიზანი და განზრახვა რომ არ ექნება არც ერთ ასეთ წამოწყებას საქართველოსთან მიმართებით, უდავო ჭეშმარიტებაა და თვითონაც კარგად მოეხსენებათ მათ, ვინც საუბრობს ამ სიაზე,"- განაცხადა სარჯველაძემ.

პაატა ზაქარეიშვილი - ხელისუფლება თავისი პოლიტიკით საქართველოსა და კავკასიაში  რუსეთის პოზიციებს აძლიერებს
ქართული პრესის მიმოხილვა 02.02.2023
ლევან  შენგელია - საქართველოს შემთხვევაში „სუვერენული დემოკრატია“ საგარეო-პოლიტიკური ორიენტაციის ხასიათსაც ატარებს და ის აშკარად არ არის დასავლეთისკენ მიმართული
Apple-ისთვის პროგრამული ენის შესასწავლად BTU IOS LAB-ში საბავშვო კოდინგის კურსი დასრულდა
ბორუსან კატმა კოლეჯ „სპექტრში“ სასწავლო ცენტრი გახსნა
კახა ოქრიაშვილი NDI-ის კვლევაზე - მოსახლეობის ნახევარი უმუშევარია - აი, ეს არის სიმართლე
ლიბერთი განათლებისთვის - ლიბერთი 2023 წლის ათასწლეულის ინოვაციის კონკურსის ოფიციალური პარტნიორია