გერმანიის ფედერალურმა მთავრობამ მომავალ კვირას, შესაძლოა, გამოაცხადოს გადაწყვეტილება უკრაინისთვის დასავლური ტანკების მიწოდების შესახებ. ამის შესახებ Bloomberg ორ წყაროზე დაყრდნობით წერს.

გამოცემის წყაროების თანახმად, გერმანია, სავარაუდოდ, გადაწყვეტს უკრაინას მძიმე ტანკები მიაწოდოს, რადგან ბერლინის მიმართ მძიმე ტანკების გადაცემის შესახებ მოწოდება სულ უფრო და უფრო ხშირია.

ბერლინი გადაწყვეტილებას, სავარაუდოდ, 20 იანვარს, ამერიკულ "რამშტეინის" საჰაერო ბაზაზე უკრაინის თავდაცვის საკონტაქტო ჯგუფის შეხვედრამდე მიიღებს.

"შეხვედრაზე გერმანიის თავდაცვის მინისტრი ქრისტინე ლამბრეხტი „გაგზავნის მკაფიო მესიჯს" Leopard 2-ის მიწოდებასთან დაკავშირებით", - განუცხადა Bloomberg-ს ერთ-ერთმა წყარომ.