სომხური ეკლესია წმინდა იოანე ნათლისმცემლის შობას აღნიშნავს
რელიგიის საკითხთა სახელმწიფო სააგენტოს ინფორმაციით, დღეს სომხური მართლმადიდებელი ეკლესია იოანე წინამორბედის შობას აღნიშნავს.
ინფორმაციის თანახმად, სახარება იოანე ნათლისმცემელს იესო ქრისტეს უახლოეს წინამორბედად მიიჩნევს, რომელმაც მესიის მოსვლა იწინასწარმეტყველა და მაცხოვარი მდინარე იორდანეში მონათლა.
„იოანე უდაბნოში ცხოვრობდა, ადამიანთა ბიწიერებას ამხელდა და მათ სინანულისკენ მოუწოდებდა.
რელიგიის საკითხთა სახელმწიფო სააგენტო სომეხთა სამოციქულო მართლმადიდებელი ეკლესიის ეპარქიას საქართველოში და მის მრევლს დღესასწაულს ულოცავს და მშვიდობას უსურვებს”, - ნათქვამია რელიგიის საკითხთა სახელმწიფო სააგენტოს მიერ გავრცელებულ ინფორმაციაში.
