რუსეთის მიერ უკრაინის სარაკეტო დაბომბვის შედეგად მოლდოვის ტერიტორიაზე რაკეტის ნამსხვრევები მესამედ ჩამოვარდა.

ინფორმაციას ამის შესახებ მოლდოვის შინაგან საქმეთა სამინისტრო ავრცელებს.

“რუსეთის მიერ უკრაინის მასიური დაბომბვის შედეგად, სასაზღვრო პოლიციის პატრულმა, დღეს დილით, ლარგას სასაზღვრო სექტორთან რაკეტის ნამსხვრევები აღმოაჩინა, რომელიც უკრაინაზე რუსული საჰაერო დარტყმების შედეგად იყო გაშვებული”, - წერია მოლდოვის შინაგან საქმეთა სამინისტროს განცხადებაში.

ინციდენტთან დაკავშირებით მოლდოვამ უკრაინასთან სასაზღვრო ზონაში პატრულების რაოდენობა გაზარდა, სამაშველო სამსახურს შეატყობინა და დაუყოვნებლივი ზომები მიიღო რაიონის დასაცავად.

“უკრაინის დაბომბვის გამო მოლდოვის ტერიტორიაზე რაკეტის ნამსხვრევების ჩამოვარდნის უკვე მესამე შემთხვევაა. როგორც წინა შემთხვევებში, ყველა აუცილებელი ქმედება ხორციელდება კომპეტენტური უწყებების პროცედურასთან შესაბამისად”, - წერია განცხადებაში.

ცნობისთვის, ამას წინად მოლდოვის ტერიტორიაზე რაკეტის ნამსხვრევები 5 დეკემბერს ჩამოვარდა, მანამდე კი 31 ოქტომბერს.