გიული ალასანია - არ მგონია, რომ ჩემი შვილი 17 იანვარს სასამართლო პროცესს დაესწროს

საქართველოს მესამე პრეზიდენტის დედის, გიული ალასანიას განცხადებით, მიხეილ სააკაშვილი 17 იანვარს ჩანიშნულ სასამართლო პროცესს, რომელიც მისი სასჯელის გადავადებას, ან სასჯელისგან გათავისუფლებას ეხება, მძიმე ჯანმრთელობის მდგომარეობის გამო ვერ დაესწრება.

ამასთან ერთად კლინიკა „ვივამედში“ ყოფილი პრეზიდენტის მონახულებამდე ალასანიამ მსოფლიო ლიდერების მხარდაჭერაზეც ისაუბრა და აღნიშნა, რომ მათი განცხადებები მიხეილ სააკაშვილისთვის მნიშვნელოვანია.

„არა მგონია, რომ ჩემი შვილი 17-ში სასამართლო პროცესს დაესწროს, არ არის იმ მდგომარეობაში. ვფიქრობ, კლინიკა ,,ვივამედიდანაც“ ვერ შეძლებს დისტანციურად ჩართვას.

ის, რაც მოხდა გუშინ, ჩემთვის ძალიან მნიშვნელოვანი იყო, პოლონეთის სეიმის გადაწყვეტილება. ძალიან მნიშვნელოვანი ქვეყანაა, პოლონეთია ბოლოს და ბოლოს. თქვენ დაინახეთ, ადამიანები დიდხანს ფეხზე იდგნენ და გადაწყვეტილებას ტაშს უკრავდნენ. ასე რომ, ეს არ არის ხელწამოსაკრავი ამბავი.

გარდა ამისა, ყველამ მოვისმინეთ კონდოლიზა რაისის განცხადება, რომელმაც შემდეგი სიტყვები თქვა, „მისი ისტორიული როლი კიდევ შესაფასებელიაო“. ეს სხვათა შორის ამ ქალბატონს პირველად არ უთქვამს, მაშინ უკრაინის მხარდამჭერი აქცია მოედანზე რომ იყო, ეს იქაც თქვა, რომ თქვენ აქ რომ დგახართ არ დაგავიწყდეთ, ვის უნდა უმადლოდეთ და სწორედ ჩემს შვილს ასახელებდა“,-განაცხადა ალასანიამ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024