ბელარუსის თავდაცვის სამინისტროს მტკიცებით, წვრთნები, რომელსაც მისი საჰაერო ძალები რუსეთთან ერთად დღეს იწყებს, თავდაცვითი ხასიათისაა.

„სწავლება წმინდა თავდაცვითი ხასიათისაა, ეს იქნება ღონისძიებების ერთობლიობა ჩვენი და რუსული ავიაციის მოსამზადებლად შესაბამისი საბრძოლო დავალების შესასრულებლად“, - აღნიშნულია ბელარუსის თავდაცვის სამინისტროს „ტელეგრამზე“ გამოქვეყნებულ პოსტში.

უწყების განმარტებით, წვრთნები მოიცავს მომზადებას საჰაერო დაზვერვისთვის, მნიშვნელოვანი ობიექტების საჰაერო დაცვისა და კომუნიკაციებისთვის.

რუსეთ-ბელარუსის ერთობლივი წვრთნები 1-ელ თებერვლამდე გაგრძელდება.