„საქართველოს ბანკის“ მხარდაჭერით, ღვინის კომპანია „ენოლოგიამ“ მზის პანელები დაამონტაჟა

„საქართველოს ბანკის“ მხარდაჭერით ღვინის კომპანია „ენოლოგიამ“ მზის პანელები დაამონტაჟა. ამის შესახებ ინფორმაციას „საქართველოს ბანკი“ ავრცელებს.

მათივე ცნობით, „საქართველოს ბანკი“ ბიზნესის ხელშეწყობას აქტიურ რეჟიმში აგრძელებს. ამ მიზნით, ბანკის მხარდაჭერით, ღვინის კომპანია „ენოლოგიამ“, რომელიც გარდაბანში სასაწყობე ფართსა და შოურუმს ფლობს, მზის პანელები, ენერგოკრედიტის გამოყენებით დაამონტაჟა. პროექტის ჯამური ღირებულება 80 000 აშშ დოლარია, ინვესტიცია სრულად ბანკის მიერ დაფინანსდა.

როგორც კომპანია „ენოლოგიის“ დამფუძნებელმა, დავით მაჭავარიანმა აღნიშნა, მზის პანელების ენერგიის წლიური საშუალო გამომუშავება 150 000 კვტ.სთ-ს შეადგენს.

„ჩვენ „საქართველოს ბანკთან“ უკვე ოთხი წელია ვთანამშრომლობთ და მათი ფინანსური მხარდაჭერით შევძელით ეკომეგობრული კომპანია გავმხდარიყავით. ამაში ბანკთან ერთად „ჰელიოს ენერგი“ დაგვეხმარა, რომელმაც 110 კვტ. სიმძლავრის მზის სადგურები დაგვიმონტაჟა. მზის პანელების ენერგიის წლიური საშუალო გამომუშავება 150 000 კვტ.სთ-ს შეადგენს. ინვესტიციის უკუგების პერიოდი კი ხუთი წელია. ჩვენთვის მნიშვნელოვან ფაქტორს წარმოადგენს ის, რომ მზის სადგურების დამონტაჟებით შევძლებთ გავუფრთხილდეთ გარემოს. ამასთან, საგრძნობლად შევამცირებთ ელექტოენერგიისა და ბიზნესის ხარჯებს“, - განაცხადა დავით მაჭავარიანმა.

როგორც „საქართველოს ბანკის“ საშუალო ბიზნესის გაყიდვების დეპარტამენტის დირექტორმა, გრიგოლ სალიაშვილმა განმარტა, „საქართველოს ბანკმა“ გარემოზე ზრუნვის, ელექტროენერგიის წყაროს ჩანაცვლებისა და ხარჯის შემცირების მიზნით მზის ელექროსადგურებისთვის ეკომეგობრული პროდუქტი - ენერგოკრედიტი შექმნა.

„ინიციატივის ფარგლებში, მომხმარებელს შესაძლებლობა აქვს, შეიძინოს და დაამონტაჟოს დანადგარები. შედეგად კი, ელექტროენერგიის ალტერნატიული წყარო მიიღოს. აღნიშნული პროდუქციის უპირატესობა იმაში მდომარეობს, რომ მზის სხივების ელექტროენერგიად გარდაქმნა პროცესებს მაქსიმალურად ეკომეგობრულს ხდის. ეკოლოგიაზე ზრუნვასა და ხარჯების შემცირების პარალელურად კი, მომხმარებელს ეძლევა შესაძლებლობა, გამოთავისუფლებული ფინანსური რესურსი კვლავ საკუთარ ბიზნესის განვითარებას მოახმაროს“, - განაცხადა გრიგოლ სალიაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024