ვალერი ჩეჩელაშვილი - ომის გადამწყვეტი ფაზის დასაწყისში ვიმყოფებით, ამ გადამწყვეტი ფაზის აქტიურ ფაზაში გადასვლა ზუსტად მაშინ იქნება, როდესაც უკრაინა საჭირო ახალ შეიარაღებას დააგროვებს

ვფიქრობ, ჩვენ ომის გადამწყვეტი ფაზის დასაწყისში ვიმყოფებით, ამ გადამწყვეტი ფაზის აქტიურ ფაზაში გადასვლა ზუსტად მაშინ იქნება, როდესაც უკრაინა საჭირო ახალ შეიარაღებას დააგროვებს, - ამის შესახებ უკრაინასა და რუსეთში საქართველოს ყოფილმა ელჩმა, ვალერი ჩეჩელაშვილმა „პალიტრანიუსის“ გადაცემა „ნიუსრუმში“ განაცხადა.

მისივე თქმით, არ არის გამორიცხული, რომ "რამშტაინის" ჯგუფმა უკრაინის დასახმარებლად ახალი შეიარაღება გამოყოს.

„დიდი შვიდეულის" გადაწყვეტილებები მიმართულია იმაზე, თუ როგორ გააუმჯობესონ ზოგადად მსოფლიოში ვითარება, ეს იქნება ენერგეტიკული, სასურსათო გამოწვევები და ა.შ. როგორ დაეხმარონ ე.წ. მესამე სამყაროს ქვეყნებს, რუსეთი კი პირიქით, მე-19 საუკუნის იმპერიული ფილოსოფიიდან ვერ გამოვიდა და ეს შეზავებულია ბოლშევიკურ, ცინიკურ და სასტიკ მეთოდებთან საკუთარი დღის წესრიგის განხორციელების მიზნით საერთაშორისო არენაზე. ეს სიმბიოზი ბოლშევიკური სისასტიკის და მე-19 საუკუნის იმპერიული პრინციპების არის ზუსტად ის, რასაც მთელი მსოფლიო არქმევს "რაშიზმს". ეს არის ახალი მოვლენა, მაგრამ საქმე იმაში მდგომარეობს, რომ რუსეთი ამგვარი პოლიტიკით ხელს უწყობს პირველ რიგში, რომ ჩამოყალიბდეს ძლიერი ანტირაშისტური და პროუკრაინული კვალიცაა, ჩვენ ამას ვნახავთ მომდევნო დღეებში "რამშტაინში".

ორი კომპონენტია პრაქტიკულად დარჩენილი უკრაინის დახმარების მხრივ, რომელზეც გადაწყვეტილება არ არის მიღებული, ეს არის გამანადგურებლები, თვითმფრინავები და დიდი რადიუსის მოქმედების სამას კილომეტრამდე რაკეტები. აი, ეს ორი კომპონენტი არის დარჩენილი და მე არ გამოვრიცხავ, რომ ამასთან დაკავშირებით "რამშტაინის" ჯგუფმა გადაწყვეტილება მიიღოს. დაახლოებით მარტში ჩვენ აბსოლუტურად განსხვავებულ ვითარებას მივიღებთ და ბალანსი ხარისხობრივად უკრაინის მხარეზე გადავა, ამიტომ ვფიქრობ, რომ განსაკუთრებულად აქტიური მოქმედებები კონტრშეტევების თვალსაზრისით წარმოებული იქნება უკრაინის მხრიდან დაახლოებით მარტში-აპრილში, რაც სხვადასხვა მიმართულებებით რუსეთის ფედერაციისთვის ძალიან სერიოზული მარცხით დამთავრდება.

ვფიქრობ, რომ ჩვენ ომის გადამწყვეტი ფაზის დასაწყისში ვიმყოფებით, ამ გადამწყვეტი ფაზის აქტიურ ფაზაში გადასვლა ზუსტად მაშინ იქნება, როდესაც უკრაინა დააგროვებს საჭირო ახალ შეიარაღებას, ის გაწვრთნილი ოფიცრები და მეომრები, რომლებიც დღეს არიან მრავლად სხვადასხვა ქვეყანაში, ესენი დაბრუნდებიან უკრაინაში, ეს იქნება თვისებრივად სხვა დონეზე მომზადებული ჯარი, სხვა შეიარაღებით მომარაგებული და აღჭურვილი, შემდგომ, რა თქმა უნდა, რუსებს ძალიან გაუჭირდებათ უკრაინელების შეკავება“,-განაცხადა ჩეჩელაშვილმა.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?