ენერგოომბუდსმენის განცხადებით, კომპანიებს სალიცენზიო პირობების დარღვევის გამო, შესაძლოა, გაორმაგებული საჯარიმო სანქციები დაეკისროთ

ენერგოომბუდსმენის, სალომე ვარდიაშვილის განცხადებით, შესაძლოა, კომპანიებს სალიცენზიო პირობების დარღვევის გამო, გაორმაგებული საჯარიმო სანქციები დაეკისროთ.

მისივე განმარტებით, აღნიშნული ინიციატივა ჯერჯერობით დამუშავების ეტაპზეა.

„არსებული ჯარიმების ციფრი გაორმაგდება, რაც იმას ნიშნავს, რომ ლიცენზიათა კომპანიებს სალიცენზიო პირობების დარღვევისთვის უფრო მეტი ფინანსური სანქცია დაეკისრებათ, ვიდრე აქამდე არსებობდა. თქვენ იცით, რომ მაქსიმალური თანხა 75 ათასი ლარია და შესაბამისად, ის უფრო სოლიდური გახდება,“ - განაცხადა სალომე ვარდიაშვილმა „მედიაცენტრ მთავარში“ გამართულ პრესკონფერენციაზე.

მან 2022 წელი შეაჯამა და აღნიშნა, რომ ამ დროისთვის, აბონენტების მიმართ ელექტროენერგიის გადასახადზე დაკისრებული გაორმაგებული თანხების საკითხი სრულად ამოწურულია.

„2022 წელს ყველაზე აქტუალური თემა იყო „თელმიკოს“ და „თელასის“ ამბავი, რა დროსაც მომხმარებლების უფლებები მასობრივად დაირღვა, როდესაც მათ იმ რაოდენობის გადასახადი მიიღეს, რომელსაც არ მოელოდნენ და აბსოლუტურად დადასტურდა, რომ ეს იყო არასწორი აღრიცხვიანობის ბრალი, მათი მხრიდან არასრული მენეჯმენტის ბრალი და ამის გამო, მათ უკიდურესად სწრაფ დროში პრობლემის გამოსწორება დაევალათ და ასევე, ფინანსური სანქცია დაეკისრათ, რომელიც მათ სახელმწიფო ბიუჯეტის სასარგებლოდ გადაიხადეს. ეს პრობლემა სისტემური გახლდათ და მთლიანად აღმოიფხვრა. დღეისათვის ასეთი სახის პრობლემა აბონენტებს არ გააჩნიათ“, - აღნიშნა ენერგოომბუდსმენმა.

ლევან იოსელიანი - სამწუხაროა, რომ საქართველო პატიმრების რაოდენობით ევროპის მასშტაბით, ისევ მეორე ადგილზეა - ქვეყანაში 9 500 პატიმარია, ეს რიცხვი საკმაოდ მაღალია, მისი შემცირება შესაძლებელია
პაატა შეშელიძე  -  რუსეთისთვის  ამ კრიზისულ სავალუტო ვითარებაში ჩინეთი თავის თავზე იმუშავებს და არა რუსეთზე
ქართული პრესის მიმოხილვა 17.06.2024
შექმენი შენზე მორგებული კომბინაცია მობილური პაკეტით „მეტი“
„ბრიტანულ-ქართული აკადემიის“ დირექტორის, ნათია ჯანაშიას ადვოკატმა სს „საქართველოს კაპიტალის“ და შპს „საქართველოს განათლების ჯგუფის“ დირექტორების წინააღმდეგ პროკურატურას სარჩელით მიმართა
„არქიმ“ და „დელოიტმა“ აუდიტის მომსახურების ხელშეკრულება გააფორმეს
ზაფხულის ყველაზე ცხელი შემოთავაზება HONOR-ისგან - დაიწყე ახალი სეზონი ახალ სმარტფონთან ერთად
Skillwill-ი კემბრიჯის უნივერსიტეტთან თანამშრომლობას იწყებს
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი