ჯანდაცვის მინისტრის განცხადებით, მედიკამენტებზე რეფერენტული ფასების დაწესების და შესაბამისი რეგულაციების ამოქმედების შემდეგ, მიზანმიმართული საბოტაჟის მცდელობის შემთხვევაში, უწყებას შესაბამისი რეაგირება ექნება

ჯანდაცვის მინისტრის ზურაბ აზარაშვილის განცხადებით, მედიკამენტებზე რეფერენტული ფასების დაწესების და შესაბამისი რეგულაციების ამოქმედების შემდეგ, თუ იქნება ცალკეული კომპანიების მხრიდან მიზანმიმართული საბოტაჟის მცდელობა, ამაზე უწყებას შესაბამისი რეაგირება ექნება.

როგორც მან მთავრობის სხდომის დასრულების შემდეგ ჟურნალისტებს განუცხადა, ფარმაცევტულ ბაზარზე დეფიციტის საშიშროება არ იქნება.

„ბაზარზე გვაქვს როგორც ორიგინალი მწარმოებლების მედიკამენტები, ასევე გენერიკული მედიკამენტები, ანუ ამ მედიკამენტების ასლები. ისიც ზუსტად იგივე თერაპიული ეფექტით ხასიათდება და ამ კუთხით განსხვავება არაფერი არ არის. იმის გათვალისწინებთ, რომ შეგვენარჩუნებინა, როგორც ორიგინალი, ასევე გენერიკული მწარმოებლებიც, დავადგინეთ ორი ფასი. ცალკე არის დადგენილი მაქსიმალური ფასი ორიგინალი მედიკამენტებისთვის და ცალკე არის დადგენილი გენერიკული მედიკამენტებისთვის. ამ ორი ფასის ოპერირების პირობებში ბიზნესს აქვს ინტერესი, რომ როგორც ორიგინალმა მწარმოებლებმა ოპერირება გააგრძელონ. ზუსტად იგივე ბიზნესები და იგივე მწარმოებლები არიან სხვადასხვა ქვეყნებში, რასაც ჩვენ ვუყურებთ ფასწარმოქმნის დროს და წარმატებით ოპერირებენ. აქედან გამომდინარე, დეფიციტის საშიშროება არ არის. ვფიქრობთ, თუ იქნება მიზანმიმართული საბოტაჟის მცდელობა, ამაზეც შესაბამისი გეგმა გვაქვს“,-განაცხადა აზარაშვილმა.

მან აღნიშნა, რომ ცალკეული კომპანიების მხრიდან საბოტაჟს არ გამორიცხავს.

„მოგეხსენებათ, რამდენიმე თვის წინ იყო ფაქტები, ზუსტად იგივე თურქული ბაზარი გავხსენით წინა წელს, როცა თურქეთიდან აღიარებითი რეჟიმით შემოდიოდა მედიკამენტები. სამწუხაროდ, ხშირად იყო პირველ თვეებში ფაქტები, რომ რამდენიმე თვის განმავლობაში ჩვენი მცდელობის მიუხედავად, არ ხდებოდა საკმარისი რაოდენობით იმპორტი, მიუხედავად იმისა, რომ ზუსტად იგივე მედიკამენტები იყო და გაცილებით ნაკლებ ფასად. ამ გამოცდილებით და პლუს იმ გამოცდილებით, რომელიც რამდენიმე კონკრეტულ აფთიაქში ხდებოდა, რეგულირების სააგენტო კონკურენციის სააგენტოსთან აქტიურად თანამშრომლობს. ამ ნაწილში, როცა მიზანმიმართულად ხდება მომხმარებლის შეცდომაში შეყვანა, ხელოვნურად ხდება დეფიციტის შექმნა ან სხვა არაკეთილსინდისიერი ქმედებები, პირდაპირ უწერიათ კანონში, რომ შეუძლიათ რეაგირება და საკმაოდ მკაცრი რეაგირება, მაღალი ჯარიმებიც აქვთ ამასთან დაკავშირებით “,- განაცხადა აზარაშვილმა.

მისივე განმარტებით,საჭირო იყო რეფერენტული ფასების თაობაზე რეგულაციების შემოტანა და კიდევ რამდენიმე რეგულაცია ეტაპობრივად შემოვა.

„ვფიქრობთ, ეს აუცილებელი მექანიზმებია იმისთვის, რომ ამ კანონმა, ცვლილებებმა იმუშაოს. საბოლოო მიზანია, რომ მოსახლეობისთვის გაიაფებულ და ხელმისაწვდომ მედიკამენტებს მივაღწიოთ“,-განაცხადა აზარაშვილმა.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
როგორ ვებრძოლოთ მოგზაურთა დიარეას
„სიმეტრია პარკი“ მთაწმინდის რაიონში კომერციული ფართის მშენებლობის დასრულებას აანონსებს
ISET-ის ფინანსების სამაგისტრო პროგრამამ CFA ინსტიტუტთან აფილირება მიიღო
„ბიზნეს ოსკარად“ წოდებული „ოქროს ბრენდის“ დაჯილდოებაზე PSP კვლავ N1 ფარმაცევტულ ბრენდად აღიარეს
ქართული პრესის მიმოხილვა 20.06.2024