დიმიტრი ხუნდაძე - მიხეილ სააკაშვილმა 2008 წლის ომის თაობაზე ძალიან ბევრი იცის და შესაძლოა, დაიწყოს საუბარი, რაც ბევრს არ აწყობდეს

მიხეილ სააკაშვილმა 2008 წლის ომის თაობაზე ძალიან ბევრი იცის და შესაძლოა დაიწყოს საუბარი, რაც ბევრს არ აწყობდეს - მაგალითად, ხომ არ იყო 2008 წლის ომი რუსეთსა და დასავლეთს შორის ზავის დადების გარიგება, რომ სამ დღეში საქართველოს ტერიტორიების ხარჯზე ინტერესების გადანაწილება მოხდა, - ეს განცხადება პარლამენტში უმრავლესობის დეპუტატმა, "ხალხის ძალის" წევრმა დიმიტრი ხუნდაძემ გააკეთა.

ხუნდაძის აზრით, "თუ სააკაშვილის "პატრონებმა" ასეთი რისკები რეალურად დაინახეს, იზრდება ალბათობა იმისა, რომ შესაძლოა ოქროს მოწმის თავიდან მოცილების პერსპექტივა დადგეს".

როგორც ხუნდაძემ განმარტა, "სააკაშვილის პატრონებში" აგენტოკრატების არც თუ ისე მცირე ჯგუფს გულისხმობს, რომელიც ომის რიტორიკას აღვივებს და რომელთა მიზანი ქვეყანაში პოლიტიკის იმდაგვარი დალაგებაა, რომ საქართველო გარე დაკვეთებს ასრულებდეს.

ხუნდაძე იმასაც ამბობს, რომ სააკაშვილის საზღვარგარეთ გადაყვანა იმ რისკებს ზრდის, რაზეც "ხალხის ძალა" საუბრობს.

"მიხეილ სააკაშვილი ქვეყანაში არეულობის მოსაწყობად შემოიყვანეს. ეს სპეცოპერაცია წარუმატებელი აღმოჩნდა. როგორც ჩანს, ვერ ახერხებენ სააკაშვილისთვის მიცემული გარანტიების შესრულებას, რომ მას გაიყვანდნენ და დააბრუნებდნენ იქ, საიდანაც შემოვიდა. ამიტომ იზრდება ალბათობა იმისა, რომ სააკაშვილი ამ ყველაფერზე საუბარს დაიწყებს.

სააკაშვილის მოცილების შემთხვევაში დგება დამატებითი რისკები, რადგან ჩაითვლება, რომ მას ხელისუფლებამ ვერ მოუარა და მის ლიკვიდაციაში მიიღო მონაწილეობა.

მიხეილ სააკაშვილს დღეში რამდენიმე ვიზიტორი ჰყავს, მისი პალატა პოლიტიკურ ოფისად იქცა. ამ ფონზე ვერავინ აიღებს გარანტიას, რომ რომელიმე ვიზიტორი საფრთხის ქვეშ არ დააყენებს თავად სააკაშვილის უსაფრთხოებას.

უნდა გამკაცრდეს სააკაშვილის უსაფრთხოება - თუკი მას ჯანმრთელობის პრობლემები აქვს, იმ დაწესებულებაში სადაც ახლა იმყოფება, მისი ყველა უფლება უნდა იყოს დაცული, წინააღმდეგ შემთხვევაში სასჯელაღსრულების სისტემაში უნდა დაბრუნდეს, სადაც მისი უსაფრთხოება უკეთ იქნება დაცული.

სააკაშვილის საზღვარგარეთ გადაყვანა ზრდის რისკებს, რაზეც ჩვენ ვსაუბრობთ", - განაცხადა ხუნდაძემ.

რობინ დანიგანი - ვცდილობთ თუ არა ქართველი ხალხის დასანქცირებას? ცალსახად არა! ჩვენ გვსურს საუკეთესო ამ ქვეყნისთვის და გვსურს, რომ ეს ქვეყანა წარმატებული იყოს
ესტონეთის ელჩი - თუ გვინდა ევროკავშირის წევრობა, უნდა ვითამაშოთ წესების მიხედვით - საქართველოს ხელისუფლება ამბობს, რომ უახლოვდება ევროკავშირს, მაგრამ მათი ქმედებები ამას არ ადასტურებს
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
მწვანე განვითარების მხარდაჭერა თუ ხელის შეშლა - „ჭარბი საწარმოო სიმძლავრის“ თეორიის სიყალბე
„საქკაბელმა“ ბრონირებული NAYBY კაბელის წარმოება დაიწყო
4 რჩევა სამსუნგის ინჟინრებისგან თუ როგორ გამოიყენო Windfree კონდიციონერი ყველაზე ეფექტურად
ბათუმში „ლისი დეველოპმენტის“ ახალი პროექტის - ბუკნარის პრეზენტაცია გაიმართა
ქართული პრესის მიმოხილვა 20.06.2024