მიხეილ სარჯველაძე - კიდევ სადღა უნდა დაეშვას, რომელი ფსკერის რეკორდი უნდა დაამყაროს „ნაციონალურმა მოძრაობამ“?! გაუგონარი ამბები ხდება

კიდევ სადღა უნდა დაეშვას, რომელი ფსკერის რეკორდი უნდა დაამყაროს "ნაციონალურმა მოძრაობამ"?! გაუგონარი ამბები ხდება, - ამის შესახებ ჟურნალისტებთან ადამიანის უფლებათა კომიტეტის თავმჯდომარე მიხეილ სარჯველაძემ განაცხადა, რითაც "ნაციონალურ მოძრაობაში" შიდა არჩევნებს გამოეხმაურა.

სარჯველაძის თქმით, დაპირისპირება იმდენად ცხადია, რომ პარტია იმავე სახითა და ფორმით არსებობას ვეღარ გააგრძელებს და შიდა არჩევნებში დამარცხებულ ნაწილს მისი დატოვება მოუწევს.

"არ მგონია სერიოზული იმის განხილვა, რომ ამ პარტიის მიერ შიდა არჩევნების ჩატარების შემდეგ, ისინი ზუსტად იმავე ფორმითა და სახით შეძლებენ პოზიციების შენარჩუნებას ქართულ პოლიტიკაში. იმდენად გაღრმავებულია დაპირისპირება და კონფლიქტი ჯგუფებს შორის, რომ შეუძლებელი იქნება იგივე ატმოსფეროს შენარჩუნება. მე არ მგონია, თუნდაც შანსის ნატამალია იმისა, რომ იგივე სახით განაგრძოს ამ პარტიამ ფუნქციონირება. როგორც ჩანს დამარცხებულ ნაწილს მოუწევს პარტიის დატოვება და ახალი პოლიტიკური სივრცეების ძიება.

რიტორიკული კითხვაა, მაგრამ საინტერესოა - კიდევ სადღა უნდა დაეშვას, რომელი ფსკერის რეკორდი უნდა დაამყაროს? გაუგონარი ამბები ხდება, ეს არ არის უბრალოდ შეხედულებების ჭიდილი, აზრთა სხვადასხვაობა, რომლითაც დიდი ხნის განმავლობაში ნიღბავდნენ იქ არსებულ კრიზისებს. შეხედულებების სხვაობა კი არა, დაფინანსების წყაროებისთვის გააფთრებულ ბრძოლას ვადევნებთ თვალს,"- განაცხადა სარჯველაძემ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
გიორგი ცუცქირიძე - ლარის კურსის ვარდნა ეკონომიკაში ფუნდამენტურ ცვლილებებს არ უკავშირდება და აჟიოტაჟის შედეგი იყო
ქართული პრესის მიმოხილვა 13.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი