დენის შმიგალი - უკრაინა ევროკავშირისგან 18-მილიარდიანი დახმარების ფარგლებში პირველ, 3-მილიარდიან ტრანშს მიმდინარე კვირაში მიიღებს

უკრაინა ევროკავშირისგან დაპირებული 18-მილიარდი ევროს მოცულობის მიკროფინანსური დახმარების პაკეტის პირველ, 3-მილიარდიან ტრანშს მიმდინარე კვირაში მიიღებს, - ამის შესახებ უკრაინის პრემიერ-მინისტრმა, დენის შმიგალმა განაცხადა.

მისი თქმით, აღნიშნული თანხა ქვეყნის მაკროფინანსური სტაბილურობის შენარჩუნებისთვის არის აუცილებელი.

„უკრაინამ და ევროკავშირმა ახლახან მოაწერეს ხელი ურთიერთგაგების მემორანდუმს 18 მილიარდი ევროს მოცულობის მაკროფინანსურ დახმარებასთან დაკავშირებით. ამ კვირაში 3 მილიარდი ევროს ოდენობის ტრანშს ველით. ეს ხელს შეუწყობს მომავალში მაკროეკონომიკური სტაბილურობის შენარჩუნებას“, - წერს შმიგალი „ტვიტერზე“.

ამასთან, ჯერჯერობით არ გამოცხადებულა როდის იგეგმება მომავალი ტრანშების მიღება.

შეგახსენებთ, ევროკავშირის საბჭომ უკრაინისთვის 18 მილიარდი ევროს ღირებულების დახმარების პაკეტი დეკემბერში დაამტკიცა. თანხას უკრაინა 2023 წლის განმავლობაში მიიღებს.

სტეპან გრიგორიანი - უახლოეს 2-3 თვეში არსებობს იმის შანსი, რომ თურქეთ-სომხეთის საზღვარი მესამე ქვეყნის მოქალაქეებისა და დიპლომატებისთვის გაიხსნას
ქართული პრესის მიმოხილვა 24.06.2024
ალექსანდრე თვალჭრელიძე - ძალიან მინდა დავიჯერო, რომ ჩინური კომპანიის შერჩევა პროექტის განსახორციელებლად უბრალოდ გაუაზრებელი ნაბიჯია და არა პოლიტიკური ტრენდის შეცვლის შემაშფოთებელი ნიშანი
კახა ოქრიაშვილი - საქართველოსთვის ევროკავშირის კანდიდატი ქვეყნის სტატუსი გაყინულია, რაც იმას ნიშნავს, რომ გაყინულია პერსპეტივა ქართველი მასწავლებლის საშუალო ხელფასი 4 500 ლარი გახდეს
კახა ოქრიაშვილი - 2016 წელს 2 მილიონი „ოცნებას“ გადავუხადე თუ პირადად ბატონ ივანიშვილს?